နံနက် ၈ နာရီက ၁၀ နာရီအထိ ဗုဒ္ဓ၀ိဟာရမှာ အဘိဓမ္မတ္ထသင်္ဂဟကျမ်းစာ နေ့တိုင်း ချပို့နေ တယ်။ သင်တန်းသားကတော့ သုံးယောက်ထဲပါ။ ပါဠိဌာနဆရာ ဆန်ဂျေး၊ ပါဠိဌာနမှာ တရုပ်စာ ပြနေတဲ့ ဗိယက်နာမ်သီလရှင် တစ်ပါး နှင့် အိန္ဒိယ ဘန္တေ ၀ံသပါလတို့ဖြစ်တယ်။ အခု သင်တန်းစလာတာ တစ်လကျော်မှာ စေတသိက်ပိုင်း စိတ်ယှဉ်စေတသိက်ယှဉ်ရောက်နေပြီ။ သင်ကြားတဲ့နည်းက မြန်မာ့နည်း မြန်မာ့ဟန်အတိုင်းပါဘဲ။ ပါဠိဖတ်၊ ဘာသာပြန်ဖတ်၊ အဓိပ္ပါယ်ပြော၊ သရုပ်ကောက်။ သဒ္ဒါမှာရုပ် သဂြိုဟ်မှာ သရုပ်ဆိုတဲ့အတိုင်း သရုပ်သကန် ကောက်တတ်ဘို့က အဓိကဘဲလေ။ အဓိပ္ပါယ်တွေ ဆွေးနွေးမှုတွေ ဘယ်လောက်ပဲလုပ်လုပ် နောက်ဆုံးကျတော့ သရုပ်ကျန်ဖို့ရာက အဓိကပဲမဟုတ်လား။ ဒါကြောင့် သရုပ်သကန် ကျေဖို့ ဝေဒနာဘေဒ၊ ပယောဂဘေဒ၊ သင်္ခါရဘေဒဆိုတဲ့ နည်းလမ်းတွေက အတော်လေး အထောက်အကူဖြစ်စေတာပဲ။ စိတ်ပိုင်းတစ်ပိုင်းလုံး ပတ်ချာလည် သွားအောင် မွှေနှောက် သင်ကြားအပြီးမှာ စေတသိက်ပိုင်းကို ကူးတာပဲ။ စေတသိက်ပိုင်း ရောက်တော့ စေတသိက် တွေကို တစ်ခုချင်းရှင်းလင်းပြသ သင်ပေးတယ်။ လက္ခဏာ၊ ရသ၊ ပစ္စုပဋ္ဌာန်၊ ပဒဋ္ဌာန်တွေ ထုတ်ပြပေးတယ်။ အစက ဒါတွေကို အသေးစိတ်သင်ပြပေးဘို့ စိတ်ကူးမရှိဘူး။ ဖဿစေတသိက်တစ်ခုကိုတော့ နမူနာအဖြစ် လက္ခဏ၊ ရသ၊ ပစ္စုပဋ္ဌာန်၊ ပဒဋ္ဌာန်အပြည့် အစုံထုတ်ပြမယ်။ ကျန်တာတွေကိုတော့ လက္ခဏာတစ်ခုလောက်သာ ပြောပြပေးရင် အခြေခံ သမားများအတွက် လုံလောက်တယ်ပေါ့။ ခက်တာက ဖဿစေတသိက်ကို နမူနာအဖြစ် လက္ခဏ၊ ရသ၊ ပစ္စုပဋ္ဌာန်၊ ပဒဋ္ဌာန်အပြည့် အစုံထုတ်ပြသင်လိုက်တာ ကျန်တာ တွေကိုလည်း အပြည့်အစုံထုတ်သင်ပြပေးဘို့ ဖြစ်လာတော့တယ်။ သင်ချင်သူ တောင်းဆိုသူကတော့ ဗိယက်နာမ် သီလရှင်ပဲ။ သူက အတန်းမှာ အဓိကလူ လိုဖြစ်နေတယ်။ ပါဠိစာပေ အားနည်း ပေမယ့် သိချင်စိတ်ပြင်းပြတယ်။ ဓာတ်ပစ္စည်းခွဲပြမှ ကျေနပ်သူဖြစ်တယ်။ အဓိပ္ပါယ်ပြောတာ ကိုတော့ အတ္တနောမတိတွေ များလွန်းတယ်အထင်နဲ့ သိပ်မကြိုက်လှဘူး။ သင်တန်းအစ တုန်းကဆို ငါတို့ကို တရားဟောဘို့ မကြိုးစားနဲ့လို့တောင် ပြောဘူးတယ်။ ဒေါက်တာ ဘွဲ့လည်းပြီး အင်္ဂလိပ်စာကလည်းကောင်း၊ တရုပ်စာလည်း ရဆိုတော့ တစ်ဖက်ကို အထင် မကြီးတာ မဆန်းဘူးပေါ့။ စကားပြောတာ သွားတာလာတာကြည့်ရုံနဲ့ မာနရှင်တစ် ယောက် ဆိုတာ သိနိုင်တယ်။ ဒါကြောင့် သင်တန်းအစမှာ အော်ကျယ်အော်ကျယ်နဲ့ ဘယ်လို သင်ရမယ်။ ဘယ်လို ဖြစ်ရမယ် စသည် ဆူညံဆူညံတွေ လုပ်နေတာပေါ့။ နောက်တော့လည်း ပါဠိစာပေရဲ့လေးနက်မှုအောက်မှာ အဘိဓမ္မာဘာ သာရပ်ရဲ့ ဆွဲစောင်မှုအောက်မှာ မျက်စိ လေး ကလယ်ကလယ်နဲ့ ငြိမ်ချက်သား ကောင်း သွားတာပေါ့။
မေးတာ မကြိုက်သူများ
တစ်ခါတစ်ခါ ခက်လွန်းလို့ စာနာစိတ်နဲ့ နားလည်လားလို့ မေးတာတောင် မကြိုက်ဘူး။ လူကြားမှာ အဲလိုမေးတာမျိုး ရှက်တယ်ထင်ပါရဲ့။ ငါအတွက် မစိုးပါနဲ့။ ငါ အင်္ဂလိပ်စာဘက်မှာ မင်းထက်ကောင်းတာ သေချာပါတယ် စသည်ပြန်ပြောတယ်။ မြန်မာ့ဆရာတွေထုံးစံအတိုင်း တပည့်ကို နားလည်စေချင်တဲ့စိတ်နဲ့ နားလည်လား လို့ မေးတတ်တာက နိုင်ငံတကာအမြင်မှာ တစ်မျိုးဖြစ်နေသလား မပြောတတ်ဘူး။ မြန်မာပြည်တုန်းက ကိုးရီးယား သီလရှင် တစ်ယောက်ကို သဂြိုဟ်သင်ပေးတုန်းကလည်း မှတ်မိခြင်း ရှိမရှိ မေးဘူးတယ်။ ဒါကို သူမက မကြိုက်လှပဲ ဒါက မင်းအတွက် လိုအပ်လို့လားလို့ ပြန်မေးတာကို ခံရဘူးတယ်။ ခုလဲ ငါကို သိပ်စိုးရိမ်မပေးပါနဲ့တဲ့။ ဂျပန်မလေး တစ်ယောက်ကလည်း အဲလိုမေးလို့ အပြင်လမ်း လျှောက်ထွက်တုန်းမှာ အတန်းထဲမှာ ငါ့ကို စာမမေးပါနဲ့လို့ ပြောဘူးတယ်။ ဘာပြုလို့လဲ၊ ငါမေးတာ မင်းနားလည် မလည်သိချင်လို့မေးတာ၊ ပြီးတော့ မင်းနားမလည်ရင် ငါကူညီပြောရအောင်လို့ မေးတာပါလို့ ပြောတာတောင် မမေးပါနဲ့တဲ့ သူများတွေ သံသယဖြစ် ကုန်ပါလိမ့်မယ်တဲ့။ ကောင်းရောဗျာ အရပ်ကတို့။ ကိုရီးယားမလေးတစ်ယောက်လည်း ဒီအတိုင်းပဲ။ ရှေ့ဆုံးက စိတ်ထက်ထက်သန်သန်နဲ့ သင်ယူနေတာဆိုတော့ စေတနာနဲ့ မင်းနား လည်လားပေါ့။ နောက်တော့ သူမလည်း ပေါ်မလာတော့ဘူး။ အော် မေးပြီးသင်တာ သူတို့အမြင်မှာ တစ်မျိုးဖြစ်နေပါလား၊ ဆင်ခြင် သင့်ပါလားလို့ တွေးမိတယ်။
ငိုမဲ့မဲ့မျက်နှာ
အခု သဂြိုဟ်သင်နေတာ သမ္ပယောဂနည်းရောက်နေပြီ။ စေတသိက်တွေနဲ့ စိတ်တွေ ဘယ်လိုဆက်စပ်မှုရှိတယ်ဆိုတာကို ပြတဲ့အခန်းပေါ့။ ဒီအပိုင်းမှာ စိတ်ပိုင်းကိုလည်း ပြန်ကောက်နေရတာမို့ ပိုမိုခက်ခဲမှုရှိတယ်။ ဒါကြောင့် စိတ်ပိုင်းနားလည်မထားရင် ရွာလည်ပြီ သာမှတ်။ သမ္ပယောဂနည်းစတယ်ဆိုရင်ပဲ ဗိယက်နာမ်မဆီက အသံထွက်လာတယ်။ ငါ့နောက်ခံက တရုပ်စာ၊ မင်းတို့က ပါဠိစာ။ ဒါတွေကို ခုမှတွေ့ရတာ။ ငါ့အတွက် သိပ်ခက်တယ်ဆိုတာ--။ ငါ ရှေ့ဆက် သင်ချင်တဲ့စိတ်တွေ မရှိတော့ဘူး။ စသည် အကြောင်းမဲ့ ဒေါသ စကားတွေ ပြောလာတယ်။ အဲဒီအချိန်မှာ သူမမျက်နှာ သွေးမရှိတော့ သလိုဖြစ်နေတာမို့ ကြာကြာ မကြည့်ရက်လို့ မျက်နှာလွှဲထားရတယ်။ ဟုတ်လိမ့်မယ်။ ခုမှ ပါဠိစာပေကို တွေ့ပြီး ခက်ခဲတဲ့ အဘိဓမ္မာဘာသာရပ်ကို သင်မိတာ။ ပြီးတော့ သင်ကြားမှုမှာ မညှာတတ်တဲ့ မြန်မာ့သင်နည်းနဲ့ သင်နေတာ။ သူခမျာ မငိုချင်ရက်ပဲ ရှိတော့မလဲ။ နားလည်မှု များစွာနဲ့ ဘာမှ ပြန်မပြောဘဲ တိတ်တိတ်ပဲ နေပေးလိုက်တယ်။ ဆရာဆန်ဂျေးကတော့ စိတ်မပျက်ပါနဲ့ တို့လည်း ဒီလိုပါဘဲ စသည်ပြောပြီ ဖျောင်းဖျနေလေရဲ့။ ငါ သင်ရတာကို ကြိုက်ပါတယ်။ ပါဠိအားနည်းတော့ မှတ်မိတာနည်းတယ်။ ဒါကြောင့် စိတ်ပျက်မိတာပါ လို့ နောက်မှ လေပြေလေး ထိုး ပြောလာတယ်။ ဖြစ်ရမယ်လေ။ အဘိဓမ္မာအရသာကို သိသွားသူ တစ်ယောက်အနေနဲ့ ဘယ်နည်းနဲ့မှ ဒီသင်တန်းကို လွယ်လွယ် လက်လွတ်ခံမှာ မဟုတ်ဘူးဆိုတာကို တွက်ပြီးသားပါ။ ပြီးခဲ့တဲ့ သင်တန်းမှာတုန်းက ၀ုန်းဒိုင်းကြဲသွားတဲ့ ကိုရီး ယားနှင့် ဂျပန်အပုမလေးအချို့တောင် အတန်းပြန်တက်ချင်လို့ ရစ်သီရစ်သီ လုပ်နေကြ တာ ကြည့်ပေတော့။ ဒီတစ်ခါ သင်တန်းမှာ ဘယ်သူကိုမှ ဖိတ်မနေတော့ဘူး။ ရှိတဲ့သူနဲ့ပဲ စခန်း သွားမယ်လို့ စိတ်ဆုံးဖြတ်ပြီး သင်လာတာ တကယ်စိတ်ဝင် စားသူများသာ လာရောက်သင် တာမို့ မီးကျိုးမောင်းပျက် မလာတစ်ရက်လာတစ်ရက်သမားတွေ မပါလို့ အတော်လေး တာသွားတာကို တွေ့ရတယ်။ သင်တန်းအရှိန်မြှင့်မယ့်အလုပ်မှာ ဗိယက်နာမ်မဆီက ငိုသံ သဲ့သဲ့ ထွက်လာတာကြည့်ပေတော့။ ဒါပေမယ့် နောက်ရက်မှာ သူမ ပုံမှန်လာပါတယ်။
မြန်မာ့စိတ်ဓာတ်
စာသင်တာ အကြောင်းမဲ့သင်နေတာ မဟုတ်ဘူး။ အင်္ဂလိပ်စာ အလေ့အကျင့်ရအောင်ဆိုတဲ့ အတွေးပြင် မြန်မာဆိုတာ ဘာလဲဆိုတာကိုလည်း သိစေချင်တဲ့ အတွေးတွေပါတယ်။ မြန်မာဆိုရင် စီးပွားရေးမဖွံ့ဖြိုးတဲ့ နိုင်ငံတစ်ခုလို့ရှုမြင်ပြီး အရာရာကို အထင်အမြင်သေးတာ နည်းနည်းမှ မခံချင်ဘူး။ မြန်မာတွေဆီမှာ ဘာတွေရှိတယ်ဆိုတာကို သိစေချင်တယ်။ ငုံ့ကြည့်နေ တာတွေကို မော့ကြည့်လာအောင်လုပ်ချင်တယ်။ ဂျပန်တွေ ဗိယက် နာမ်တွဆိုတာ အတော် စိတ်ဓာတ် ပြင်းတဲ့အမျိုးတွေပဲ။ ဂျပန်မတစ်ယောက် အတန်းထဲမှာ စိတ်ပိုင်းက စိတ်တွေ ရေတွက်ရတုန်း ခက်လို့ သူ့မခေါင်းသူ ပြန်ထုနေတာကြည့်ပြီး ပြုံးမိတယ်။ အခုလဲ ဗိယက်နာမ် သီလရှင် ငိုချင်ချင်ဖြစ်နေတာကြည့်ပြီး ပြုံးရသေးတယ်။ ဒါပဲလေ မြန်မာဆိုတာ။ ဂျပန်အပုမလေးတစ်ယောက်ဆို လမ်းမပေါ်မှာ ဒူးထောက်ပြီး အရိုအသေ ပေးဘူးတယ်။ အကောင်းတော့ မဟုတ်ဘူး။ အရွဲ့တိုက်တာ။ ဘာပဲဖြစ်နေနေ ဂျပန်တစ် ယောက်က ဒူး ထောက်ဘို့ဆိုတာ လွယ်ကူတဲ့အလုပ်မှ မဟုတ်တဲာ။ အင်း ဂျပန်က ဒူးထောက်ရတဲ့ မြန်မာ တစ်ယောက်အဖြစ် ဂုဏ်ယူရမလိုဖြစ်နေပြီ။
ပါဠိသဒ္ဒါသင်တန်းစတင်ခြင်း
ဒီနေ့ ညနေ ၆ နာရီ ပါဠိ ဆရာ ဆန်ဂျေးအိမ်မှာ ပါဠိသဒ္ဒါ သင်တန်းစတယ်။ ကစ္စည်း သဒ္ဒါကြီးကို သင်ပေးဘို့ ဆရာ ဆန်ဂျေးက တောင်းဆိုလို့ သင်ကြားခြင်းဖြစ်တယ်။ ပါဠိသဒ္ဒါ သင်မယ်ဆိုတော့ သင်ချင်တဲ့သူတွေ ရောက်လာကြတယ်။ ဖီလော်ဆိုဖီဌာန ပထမ နှစ်ကျောင်းသူ မစ်စ် ယောင် (ကိုရီးယာူး)။ ပီအိပ်ခ်ျဒီ ကျောင်းသူ အချိနာ(အိန္ဒိယ) ၊ ဗိယက်နာမ် သီလရှင် တန်၊ အိန္ဒိယ ဘန္တေ ၀ံသပါလ၊ သုဒဿန၊ ဒီပါနန္ဒ (ဘင်္ဂလားဒေ့ရှ်) နှင့် ဆရာဆန်ဂျေးတို့ဖြစ်ကြတယ်။
၁-၂-၂၀၁၁
