ပညာတော်သင် ကိစ္စဟာ မြန်မာပြည်မှာ အတော်လေး ရေးပန်းစားနေတာ တွေ့ရတယ်။ ဒကာ ဒကာမတွေကလည်း အားပေးကြတယ်။ ထောက်ပံ့လှူဒါန်းကြတယ်။ ယခုဆို ပြည်ပ ပညာတော်သင် ရဟန်းတော်ပေါင်း ထောင်ဂဏန်းနီးနေပြီ။ အိန္ဒိယနှင့် သီရိလင်္ကာ ၂နေရာကို အသွားများတယ်။ ထိုင်း သြစတေးလျ အမေရိက အင်္ဂလန်စတဲ့ နေရာတွေမှာ ပညာသင်နေ တာတွေလည်း ရှိသေးတယ်။ ဒီလို အင်နဲ့အားနဲ့ မြန်မာရဟန်းတော်များ ပြည်ပကို ပညာတော် သင်ထွက်နေတာနဲ့ ပက်သက်ပြီး မေးခွန်းတွေလည်း ဖြစ်ပေါ်လာကြတယ်။ ဘာအတွက်လဲ ဘာကြောင့်လဲ စတာတွေပေါ့။
ကမ္ဘာ့အမြင့်ဆုံးနေရာက မြန်မာ
မြန်မာနိုင်ငံဟာ ပါဠိပိဋကတ်နဲ့ ပတ်သက်လာရင် ကမ္ဘာမှာ ထိပ်ဆုံး ကျွန်တော်ပါ။ ဘယ်နေ ရာမှာမှ မရှိတော့တဲ့ စာသင်နည်း စနစ်တွေနဲ့ ပါဠိစာပေကို အပြည့်စုံဆုံး သင်ယူနေကြတာ မြန်မာတွေပဲ ရှိတယ်။ မြန်မာရဟန်းတော်များဟာ ကမ္ဘာမှာ ပါဠိ စာပေအတော်ဆုံးနေရာမှာ ရှိပါတယ်။ ကမ္ဘာမှာ လူအများ စိတ်ဝင်စားဆုံးဖြစ်တဲ့ အဘိဓမ္မာဘာသာရပ်ကို မြန်မာများက ရေကျိုသောက်ထားကြတယ်။ စိတ်ကျန်းမာရေးနဲ့ ပတ်သက်ပြီး အကောင်းဆုံး ကျင့်စဉ်တစ်ရပ်လို့ သတ်မှတ်ခံထားရတဲ့ ၀ိပဿနာကျင့်စဉ်တွေကို မြန်မာတွေ ကောင်း ကောင်း ထိန်းထားနိုင်ကြတယ်။ ဒါကြောင့် မြန်မာဟာ ဗုဒ္ဓဘာသာတရားတော်နှင့် ပတ်သက်ပြီး ထိပ်ဆုံးနေရာမှာ ရှိနေတယ်။ ကမ္ဘာက ဒီကျင့်စဉ်တွေနဲ့ ပတ်သက်ပြီး မြန်မာများ ဆီကို ဒူးထောက် နားထောင်နေရတယ်။ ဒါကြောင့် ရဟန်းတော်တစ်ပါးက ရေးဘူးတယ်။ မြန်မာက ကမ္ဘာကို ဆရာလုပ်ချိန်တန်ပြီတဲ့။ မှန်လိုက်တဲ့ စကား။
မြန်မာနိုင်ငံ ပညာရေးစနစ်
မြန်မာနိုင်ငံ ရဟန်းတော်များ ကျင့်သုံးနေတဲ့ ပညာရေးစနစ်ဟာ လွန်ခဲ့တဲ့ နှစ် တစ်ထောင်လောက်ကတည်းက စမ်းသပ်တည်ထွင်ပြီး စကာတင်ကျန်ရစ်ခဲ့တဲ့ အနှစ်အသား များချည်း စုဝေးနေတဲ့ ပညာသင်ကြားရေးစနစ်တစ်ခုပါ။ ခေတ်ပေါ်သင်ကြားနည်းစနစ်တွေ ဘယ်လိုပင် ပေါ်ထွက်လာစေတော့ ခေတ်ဟောင်းစနစ်ကိုတော့ မကျော်လွန်နိုင်သေး ဘူးဖြစ်နေတယ်။ ဒါကြောင့် လက်ရှိအတိုင်း ဆက်ထိန်းထားနိုင်ဘို့ လိုအပ်တယ်လို့ ပညာရှင်များက ပြောကြတာပေါ့။ ခေတ်ပေါ်နည်းတွေကို လက်ခံဘို့ စောင့်ကြည့်ရင်း ခေတ်နည်းတွေဟာ ရေပေါ်ဆီလို အနည်မထိုင်တတ်တာမို့ သိပ်အားမကိုးရဲသေးတာ မဆန်းပါဘူး။ ခေတ်ရေစီးကြောင်းအရ ခေတ်အလိုက် ပညာသင်ကြားရေးကျောင်းတွေ ပေါ်ပေါက်လာတာလည်း ငြင်းဆန်စရာ မလိုပါဘူး။ လိုအပ်လို့ ပေါ်ပေါက်လာတာပဲ မဟုတ်လား။ ဒါပေမဲ့ ဘယ်ဟာ အကောင်းဆုံးလဲဆိုတာကိုတော့ မျက်ခြေမပြတ် စောင့်ကြည့် နေရင်း အကောင်းဆုံးလို့ အတည်ပြုပြီးရင် အဲဒီ အကောင်းဆုံးနောက်ကို လိုက်ကြဘို့ပဲပေါ့။
အကျင့်နှင့် အသိ
မြန်မာနိုင်ငံ ပညာသင်ကြားရေးစနစ်က သင်ကြားရေးသက်သက်တင် ရပ်နေတဲ့ စနစ်မ ဟုတ်ဘူး။ လက်တွေ့ကျင့်ကြံစမ်းသပ်မှုတွေနဲ့ တန်ဆာဆင် ထုံမွှမ်းထားတဲ့ ကျစ်လစ်ခိုင်မာ သေချာတဲ့ နည်းစနစ်ဖြစ်တယ်။ သင်ကြားရေးစနစ်သက်သက်ဆိုရင် ဒီလောက် ဘယ်ခိုင်မာ လိမ့်မလဲ။ မဟာယာနတွေ တောမရောက် တောင်မရောက်ဖြစ်နေတာ လက်တွေ့ မပါကြလို့ဘဲ။ တစ်နေကုန် နမော အမိတာဘာ စတဲ့ ဂါထာမန္တာန်တွေကို ရွတ်ဖတ်နိုင်ရန် လွတ်မြောက်မှုရနိုင်တဲ့ဆိုတဲ့ အယူအဆတွေဟာ ပန်းသလောက် ခရီးမရောက်တဲ့ နည်းစနစ်တွေပဲ။ ထေရ၀ါဒမှာတော့ ပညာသင်ကြားရေးစနစ်က ရှင်းတယ်။ ပရိယတ္တိ- သင်ကြားမှုနဲ့ ပဋိပတ္တိ-လက်တွေ့ကျင့်ကြံအားထုတ်မှု ဒီနှစ်ကိစ္စကို တစ်ပါတည်း ဆောင်ရွက်နိုင်တဲ့ ပညာသင်ကြားရေးစနစ်ဖြစ်တယ်။ စာတွေ့ လက်တွေ့ ၂ မျိုးပေါင်းစပ် ထားတဲ့ ပညာသင်ကြားရေးစနစ်ကို ရှေးအထက်ကျော်ကာရီကတည်းက ချမှတ်ခဲ့တာပဲ။ ဒီစနစ်အတိုင်း လိုက်နာကျင့်သုံးခဲ့ကြလို့ မြတ်စွာဗုဒ္ဓသာသနာတော်ဟာ ဒီလောက်ထိ ခိုင်ခိုင်မာမာ ရပ်တည်နိုင်တာပေါ့။ ဒါဟာ စနစ်တစ်ခုရဲ့ ခိုင်မာတိကျမှုကို သက်သေပြနေခြင်းပဲ ပြောလို့ရတယ်။
0 comments:
Post a Comment