ဘ၀အားကစားသမား
နံက်သင်တန်းကို သွားတဲ့အခါ တက္ကသိုလ်အားကစားကွင်းကြီးထဲက ဖြတ်သွားတယ်။ အားကစားကွင်းနဲ့ နေတဲ့အဆောင်က လမ်းဘဲခြားတယ်။ နံက် ၇-နာရီလောက်ဆို ကုလားကျောင်းသားတွေ ရောက်လာပြီး ဘောလုံးကန်ကြတယ်။ ခရိကက်ကစားကြတယ်။ စနေ တနင်္ဂနွေ အလုပ်ပိတ်ရက်တွေဆိုရင် ကုမ္ပဏီဝန်ထမ်း တွေပါ လာရောက်ကစားကြတာမို့ ကွင်းအပြည့် လူအပြည့် ဆူညံနေတော့တာပဲ။ တစ်ခါတစ်လေ နေပူကြဲကြဲ အောက်မှာ တစ်နေကုန် ဆော့ကစားနေတာကို တွေ့ရတယ်။ ကုလားဆိုတာ အချမ်း အပူဒါဏ် အတော်ခံနိုင် ရည်ရှိတဲ့ လူမျိုးပဲ။ ဒီလိုလူမျိုးမှ ဘုရားမဖြစ် ဘယ်လိုလူမျိုးဖြစ်မှာလဲလို့ တစ်ခါ တစ်ခါ တွေးမိတယ်။
အားကစားကွင်းထဲက ဖြတ်သွားတာ အဓိပ္ပါယ်ရှိတယ်လို့ ယူဆထားတယ်။ ကိုယ့်ကိုယ်ကို သံသရာအား ကစား ကွင်းကြီးထဲက ဘ၀အားကစားသမားတစ်ယောက်အဖြစ် ရှုမြင်လို့ ရတယ်။ သံသရာပွဲစဉ်တစ်လျှောက်လုံးမှာ ခန္ဓာဆိုတဲ့ နာမည်ကျော် ဘောလုံးအသင်းနှင့် မနားတမ်းယှဉ်ပြိုင်ကန်လာတာ နိုင်တယ်လို့ မရှိခဲ့ဘူးဘူး။ အမြဲတမ်းရှုံးနေသော ဘောလုံးအသင်းဆိုတာ အခြားဟုတ်ပါရိုးလား ငါဆိုတဲ့ ငါပေါ့။ ဒီဘ၀မှာ ပြန်လည် တိုက်စစ်ဆင်နိုင်ဘို့ ကြိုးစားနေတယ်။ အခြေအနေပေးရင် ယတိပြတ် အနိုင်ယူ ဂိုးသွင်းနိုင်ဘို့အထိ ပြင်ဆင်နေ တယ်။ ဒါပေမဲ့ ဒီကိစ္စက အခက်သားလား။ ကိုယ်က ဂိုးသွင်းဘို့ နေနေသာသာ တစ်ဘက်အသင်းက တိုက်စစ် ဆင်လွန်းလို့ မနားတမ်း ခုခံ ကာကွယ်ဖျက်ထုတ်နေရတာနဲ့ပဲ ပွဲသိမ်းခရာ မှုတ်ချိန်တန်ခဲ့ပြီ။
ကုလားကျောင်းသားတွေက ဘောလုံးကန်ရင်း စာရေးသူကို စောင်းငဲ့လှမ်းကြည့်တတ်ကြတယ်။ တကယ့် အားကစားသမား စစ်စစ်တစ်ယောက်လာနေတာကို သူတို့ မသိကြဘူး။ သူတို့က သူတို့လောက်ပဲ အားကစား သမားလို့ ထင်မှတ်နေကြတယ်လေ။ အထင်နဲ့ အမြင်က တစ်ထပ်တည်း မကျတတ်ဘူးဆိုတာကို သူတို့ မသိရှာကြဘူးထင်တယ်။ ဒါကြောင့် မြတ်စွာဗုဒ္ဓကမိန့်တယ်မဟုတ်ပါလား အန္ဓီဘူတော အယံ လောကော = တစ်လောကလုံး ကန်းနေတယ် တဲ့။
ပန်းကောက်သမားလေး
အားကစားကွင်းကို လွန်ရင် Vice chancellor ရုံးခန်းနားက လမ်းကို ရောက်တော့တာပဲ။ ဒီလမ်းရဲ့ တစ်ဖက်တချက်မှာ တရုပ်စကားတန်းရှိတယ်။ လမ်းပေါ်မှာ ဖွေးဖွေးလှုပ် ကြွေကျနေတာ ကြည့်လို့ သိပ်ကောင်းတယ်။ မြန်မာပြည်က တရုပ်စကားတန်းများနဲ့ တန်ဆာဆင်ထားတဲ့ စစ်ကိုင်းတောင်တက်လမ်းများ ကို သတိရမိတယ်။ လတ်လတ်ဆတ်ဆတ် ကြွေကျနေတဲ့ တရုပ်စကားပန်းအချို့ကို လက်တစ်ခုပ်အပြည့် ကောက်ယူတယ်။ ကျောင်းကိုရောက်တယ်ဆိုရင်ဘဲ ရေဆေးပြီး ဘုရားကို လှူတယ်။ ဒါက နေ့စဉ်လို လုပ်ဖြစ်တယ်။ ကုလားများက သောက်တော်ရေထဲမှာ ပန်းထည့်ပြီးလှူလေ့ရှိတယ်။ သောက်တော်ရေ သန့်သန့် လှူတာလည်း ရှိပါတယ်။ ဘုရားကို ပန်းလှူပြီး နေရာယူ ဘုရားကန်တော့ တရားထိုင်တော့တာပဲ။
စာသင်ချိန်
နံနက် ၉ နာရီ မထိုးမီ ငါးမိနစ်လောက်အလိုမှာ တရားထိုင်ဖြုတ်တယ်။ ဘန္တေ သုဒဿနရဲ့ ကြေးခွက် ခေါက်သံဟာ တရားထိုင်ချိန် ပြီးဆုံးခြင်းကို သိရှိစေတယ်။ တရားထိုင်ပြီးရင် စာချနေရာမှာ ရွှေ့ပြောင်း နေရာယူပြီး စာချမှု စတင်တော့တာပဲ။ စာသင်မှု မစတင်မီ နမောတဿ သုံးခေါက်ရွတ်ဆို ဘုရားကန် တော့ကြတယ်။ ဘုရားကန်တော့ပြီးရင် ပထမဆုံး ယမန်နေ့က ဖတ်ထားတဲ့ ပါဠိကို အလွတ်ရွတ်ဆိုပြစေတယ်။ ပြီးမှ သင်ကြားမှုကို စတင်တယ်။ သင်ကြားတဲ့ အခါမှာ ပါဠိဖတ်၊ ဘာသာပြန်၊ အဓိပ္ပါယ်ပြောတယ်။ မရှင်းမလင်းတာတွေကို မေးစေတယ်။ ပြီးတော့ အဆုံးသတ်ဖြေကြားတယ်။ စာပိုဒ်တိုင်းကို ဒီလိုသွားပါတယ်။ အဓိကကတော့ ၂ ချက်ပါပဲ။ စာကို အကျယ်ပြောပြခြင်းနှင့် လိုရင်းအချူပ်ပြောပြခြင်းတို့ဖြစ်တယ်။ စာသင်ချိန်ပြီး ဆုံးချိန်မှာ ကုလား ကျရေတစ်ခွက်သောက်ပြီး အဆောင်ကို ပြန်လာတော့တာပဲ။
0 comments:
Post a Comment