ညနေခင်း သင်တန်း
ညနေ ၅ နာရီသင်တန်းကတော့ တစ်ကိုယ်တော် သင်တန်းပါပဲ။ သူက pali department မှာ ဆရာလုပ် နေသူပါ။ ဒါပေမဲ့ ပါဠိစာပေ မသင်ဘူးဘူး။ အင်္ဂလိပ်ဘာသာပြန်နဲ့တင် ဆရာလုပ်နေသူတစ်ယောက်ဖြစ်တယ်။ ဒါကို ကာမိဘို့ ပါဠိသဒ္ဒါသင်ချင်နေတာ ကြာပြီဆိုပဲ။ မြန်မာပြည်ကိုတောင် သွားပြီး ပါဠိစာပေ သင်ယူဘို့ စိတ်ကူး ထားသတဲ့။ ဒါပေမဲ့ ယခုတော့ သူအကြံအစည်တွေ ပျက်သွားပြီဆိုပဲ။ ဘာဖြစ်လို့လဲ ဆိုတော့ အိမ်ထောင် ကျသွားလို့တဲ့။ ဟုတ်တယ် ပြီးခဲ့တဲ့ ၂ လပိုင်းလောက်က သူ အိမ်ထောင်ပြုခဲ့တာ မှတ်မိသေးတယ်။ သူက ဗုဒ္ဓဘာသာဝင်တစ်ယောက်ဆိုတော့ သူ့မင်္ဂလာဆောင်ပွဲကို ဗုဒ္ဓ၀ိဟာရမှာ ဗုဒ္ဓဘာသာ ထုံးတမ်းစဉ်လာနှင့် လျှော်ညီစွာ ပြုလုပ်တာ ဖိတ်ကြားလို့တက်ရောက်အားပေးခဲ့ရသေးတယ်။
သူက ဆရာတစ်ယောက်ဆိုတော့ တက္ကသိုလ်ထဲက ဆရာများအဆောင်မှာ နေပါတယ်။ သူ့ဆီကို ညနေတိုင်း သွားပြီးသင်ပါတယ်။ စောစောက ဆိုင်ကယ်နဲ့ အကြိုအပို့ လုပ်ဘို့ ပြောပါသေးတယ်။ မဝေးလှတာမို့ ဘာမှ မလုပ်ဘို့ ပြောထားရတယ်။ အိမ်ကို ရောက်လာရင် ရေကပ်တယ်။ သင်တန်းပြီးချိန်မှာ ကျရေ သို့ အသီးအနှံ တစ်ခုခု ကပ်တယ်။
ယခု စာသင်တာ သန္ဓိပိုင်းပြီးလို့ နာမ်ပိုင်းကို ရောက်နေပြီ။ စာရေးသူရဲ့ သင်ပြမှု အားလုံးကို အားရကျေနပ်မိတဲ့ အကြောင်း ပြောပြတယ်။ နံက်ပိုင်း အဘိဓမ္မာကိုလည်း နေ့စဉ်လာရောက် သင်ယူသေးတယ်။
မြန်မာနိုင်ငံအကြောင်း
မြန်မာနိုင်ငံရဲ့ ဘာသာရေး ထုံးတမ်းစဉ်လာပွဲတော်တွေ ဘုန်းကြီးကျောင်းပညာရေး အခြေအနေတွေကို သင်တန်းချိန်အတွင်း စကားစပ်မိလို့ ပြောပြတဲ့အခါ တအံတသြဖြစ်နေတယ်။ မြန်မာနိုင်ငံဟာ သိပ်ကောင်းတဲ့ နေရာဒေသတစ်ခုပါပဲလို့ အမြဲတမ်းပြောတယ်။ မြန်မာနိုင်ငံက ရှင်ပြုပွဲတွေ၊ ရဟန်းခံပွဲတွေ၊ ကထိန်ပွဲတွေ အကြောင်းက သူ့ဘ၀အတွက် တကယ့် ရင်သပ်ရှုမောစရာဖြစ်နေတော့တယ်။ အိန္ဒိယမှာ အဲလိုမြင်ကွင်းမျိုးတွေ ဖန်တီးပေးနိုင်ရင် သိပ်ကောင်းမှာဘဲလို့ ပြောတယ်။ တစ်နေ့တော့ ဖြစ်လာရမှာပေါ့လေလို့ ချွေးသိပ် စကားပြော ပေးရတယ်။
အိန္ဒိယဗုဒ္ဓဘာသာ
အိန္ဒိယမှာက ဗြဟ္မဏ၀ါဒက အဓိကဖြစ်တယ်။ အခွင့်အရေးအားလုံးဟာ သူတို့လက်ထဲမှာ ရှိတယ်။ ဗုဒ္ဓဘာသာ ကိုတောင် ဗုဒ္ဓဘာသာမဟုတ်တဲ့ ဗြဟ္မဏတွေက လွှမ်းမိုးချုပ်ကိုင်ထားတာ တွေ့နိုင်တယ်။ သူတို့က ဗုဒ္ဓဘာသာ ကို ဟိန္ဒူဘာသာရဲ့ လက်ခွဲဘာသာတစ်ရပ်အဖြစ် ဖန်တီးထားကြတယ်။ ဟိန္ဒူအယူအဆတွေကို ဗုဒ္ဓ၀ါဒဖြစ်လေ ဟန် လူအများစု ထင်ယောင်ထင်မှားဖြစ်အောင် ပြောပြပြီး ဗုဒ္ဓဘာသာကို အနီးကပ်ထိုးနှက်တိုက်ခိုက် နေကြတယ်။ အိန္ဒိယမှာ တကယ့် ဗုဒ္ဓဘာသာဝင်တွေဟာ ပညာမဲ့ ပစ္စည်းမဲ့ ဇာတ်နိမ့်တွေများတယ်။ သူတို့ဟာ ဇာတ်မြင့် ဗြဟ္မဏတွေရဲ့ ဖိနှိပ်မှုကြောင့် ဗုဒ္ဓဘာသာဘက် ပြေးဝင်လာကြသူများဖြစ်တယ်။ ဗုဒ္ဓဘာသာ ၀င်ဆိုပေမဲ့ ဘာသာရေးအကြောင်းကို မသိ နားမလည်သူတွေက ပိုများတယ်။ ပြောဆိုညွှန်ပြမဲ့ ဘုန်းကြီးသံဃာ မရှိခြင်းရဲ့ ဆိုးကျိုးတွေဖြစ်တယ်။ အိန္ဒိယမှာ ရှင်ပြု ရဟန်းခံပွဲသဘင်မရှိဘူး။ ဘုန်းကြီးသံဃာတွေကို မင်္ဂလာ ဆောင်နှင့် အိမ်သစ်တက်ကိစ္စတွေလောက်သာ ပင့်ဖိတ်မှုရှိတယ်။ အိန္ဒိယတစ်နိုင်ငံလုံး အိန္ဒိယနိုင်ငံသား ဘုန်းကြီးရ ၏ဟန်း တစ်ထောင်လောက်ရှိမယ်။ ဒါပေမဲ့ ပိဋကတ်စာပေ တတ်ကျွမ်းမှု မရှိကြဘူး။ သင်ကြား ပို့ချတဲ့နေရာ မရှိဘူး။ ဒါကြောင့် အချို့ ခေတ်ပညာတတ်များဖြစ်ပေမင့် သူတို့နိုင်ငံအတွက် ဘာတွေလုပ် ပေးရမယ်ဆိုတာကို မသိကြဘူး။ အဲလို အစွမ်းအစ မရှိကြတဲ့အတွက် လူတွေရဲ့ အားကိုးမှုကို မခံရဘူးဖြစ် နေတယ်။ ဒါဟာ အိန္ဒိယနိုင်ငံရဲ့ ဗုဒ္ဓဘာသာ အခြေအနေတစ်ရပ်ပါ။ ဆိုလိုတာက အိန္ဒိယမှာ သာသနာပြန် လည်ထွန်းကားဘို့ မလွယ်သေးဘူးဆိုတာပဲ။
သင်တန်းအတွက် ပြင်ဆင်မှု
အဘိဓမ္မာသင်တန်းအတွက် အဘိဓမ္မတသင်္ဂဟကို ပင်တိုင်ထား သင်ကြားတယ်။ အဓိပ္ပါယ်သဘော တရားတွေကို တောင်မြို့ဆရာတော်ရဲ့ ဘာသာဋီကာကို အားကိုးရတယ်။ အင်္ဂလိပ်ဘာသာပြန်ကတော့ ဘိက္ခုဗောဓိရဲ့ Comprehensive Manual of Abbhidhamma နှင့် ဘိက္ခု နာရဒ ရဲ့ A menual of Abhiddhamma စာအုပ်ကို လက်ကိုင်ပြုရတယ်။ ညနေခင်းသင်တန်းအတွက်ကိုလည်း တောင်မြို့ဆရာ တော်ရဲ့ ကစ္စည်းဘာသာဋီကာနှင့် ရူပသိဒ္ဓိဘာသာဋီကာတို့ကို အားကိုးရတယ်။ အင်္ဂလိပ် ဘာသာပြန်ကတော့ အင်တာနက်က ရတဲ့ ဘာသာပြန်စာအုပ်ကို လက်ကိုင်ပြုပြောရတယ်။ ဂုရုကြီး ဂိုအင်ဂါရဲ့ ဆဋ္ဌသံဂါယနာ ပိဋကတ်သုံးပုံ စီဒီနှင့် တောင်မြို့ဆရာတော်ရဲ့ ဘာသာဋီကာ စီဒီကို ကွန်ပျူတာထဲမှာ ထည့်ထားတယ်။ ပြီးတော့ ပါဠိအဘိဓာန်စီဒီကိုလည်း ထည့်ထားသေးတယ်။ စာအုပ်တွေက လက်တစ်ကမ်းမှာမို့ အချက်အလက် ရှာဖွေ ကြည့်ရှုရတာ လွယ်ကူပါတယ်။ သိပ္ပံခေတ်ရဲ့ အားသာချက်တစ်ခုပါဘဲ။
သင်တန်းအတွေ့အကြုံ
အချို့သူငယ်ချင်းတွေကမေးတယ် ‘ ကုလားတွေကို အပင်ပန်းခံ သင်ပေးနေတာ သူတို့ဆီက ဘာယူမယ်လို့ စိတ်ကူးထားလဲ တဲ့။ မေးသင့်တဲ့ မေးခွန်းတစ်ခုပါဘဲ။ ကုလားပြည်မှာ အလကားဘာမှ မရဘူး။ စာရေးသူတို့ ပြည်ပကျောင်းသားများအဖို့ မီနစ်စက္ကန့်နှင့်အမျှ နေခ ရေခ ငွေတွေပေးနေရတာပဲ။ လူက အိပ်နေတာတောင် ပိုက်ဆံက မအိပ်ဘဲ အိပ်ထဲက ခုန်ထွက်နေတယ်ဆိုတာ ပြောလို့ရတယ်။ သူတို့နှင့်စပ် ယူစရာကတော့ အတွေ့အကြုံပါပဲ။ ဒီအတွေ့အကြုံဟာ နောက်နောင် သင်တန်းများအတွက် များစွာ အထောက် အကူဖြစ်လိမ့်မယ်လို့ မျှော်လင့်တယ်။ ဘယ်လိုသင်ရမယ်၊ ဘယ်လိုသင်ရင် ပိုမိုနားလည်နိုင်တယ် စတဲ့ အတွေးကောင်းများလည်း ဒီအတွေ့အကြုံပေါ်မူတည်ပြီးတော့ ဖြစ်လာနိုင်တယ်။ အတွေ့အကြုံကို လုပ်ယူလို့ မရစကောင်းဘူး။ တန်ဖိုးဖြတ်လို့ မရဘူးဆိုတဲ့ သီအိုရီတွေ ရှိတယ်။ အမှန်ကတော့ အတွေ့အကြုံဆိုတာ ပြိုင်ပွဲဝင်ဓားကို ထက်အောင် သွေးနေခြင်းတစ်မျိုးပါပဲ။ experience create the realization အတွေ့အကြုံ သည် နားလည်မှုကို ဖန်တီးပေးနိုင်သည် ဟုဆိုလျှင် မှားလေမလား။
km
0 comments:
Post a Comment