အမ်ဖီးလ် အင်တာဗျူး ဖြေဆိုခြင်း သို့ ဘာမျှ ဘာမျှ မတတ်နိုင်ပါ

အမ်ဖီး အင်တာဗျူး ဖြေဆိုခြင်း

သို့ ဘာမျှ ဘာမျှ မတတ်နိုင်ပါ

၁၈-၈-၁၁

ယနေ့ နေ့ ၁- နာရီအချိန် ပါဠိဌာနတွင် အမ်ဖီး (M.PHIL) ဒီဂရီဘွဲ့အတွက် လူတွေ့ ၀င်ခွင့် အင်တာ ဗျူး ဖြေကြသည်။ မြန်မာ၊ ထိုင်လန်း၊ တရုပ်၊ ဗိယက်နမ်၊ အိန္ဒိယ စုစုပေါင်း ကျောင်းသား ၉ ယောက်။ တစ်ဦးချင်း စီ အခန်းတွင်းသို့ ခေါ်၍ မေးစစ်သည်။ စစ်မေးသည့် ဆရာများမှာ ပါဠိဌာန ဌာနမှူး ပရော်ဖက် ဆာ ဒေါက်တာ ဒေ၀ကာ၊ ပြင်ပ examiner များအဖြစ် ပရော်ဖက်ဆာ ဒေါက်တာ ဗဟုကာ နှင့် ဒေါက်တာ ဂိုဂိတ်တို့ တက်ရောက်ကြသည်။ အချိန်ရောက်လျှင် အခန်းစောင့် မစ်စတာ ကုနာလ က ကျောင်းသားများကို နံပတ်စဉ် အလိုက် နာမည် ခေါ်သည်။ ပထမဦးစွာ မောင်အိန္ဒာ၊ ဒုတိယ မောင် ခေမိသ်၊ တတိယ က စာရေး သူ။ မြန်မာ ကျောင်းသား သုံးယောက် ရှေ့နောက်ဆင့် ရှေးဦးစွာ ခေါ်ယူစစ်မေးသည်။ မေးခွန်းမှာ အထူးအထွေ မဟုတ်ပါ။ မင်းရဲ့ အမ်အေ ပညာသင်နှစ် အကြောင်းကို ပြောပါ။ မင်းရဲ့ အောင်မှတ်က ဘယ်လောက်လဲ။ ဘယ် ဂရိတ်လဲ။ မင်း လုပ်ချင်တဲ့ ဘာသာရပ်က ဘာလဲ။ ဘယ်က ဧရိယာ လဲ စသည့် ဘာသာရပ် ဆိုင်ရာ ဖြေလွယ် သည့် မေးခွန်းများပင်။ အမှန်တော့ အင်္ဂလိပ် နှင့် ပါဠိ(ဗုဒ္ဓဇင် ဘာသာရပ်) အရည်အ သွေး ဘယ်လောက် ရှိသ လဲ စမ်းသပ်ခြင်းပင်။ စာရေးသူတို့ မြန်မာ ကျောင်းသား သုံးဦးမှာ ကိုယ်ပြုလုပ်မည့် ဘာသာရပ် နှင့် လက်ပွန်း တတီး ရှိထားသူများဖြစ်၍ မေးခွန်းအားလုံးကို လွယ်ကူစွာ ဖြေဆိုနိုင်ကြသည်။

စာရေးသူက '' မိမိ ပြုလုပ်လိုသည့် ဘာသာရပ် နယ်ပယ်မှာ the Buddha's philosophy and psychology ဖြစ်ကြောင်း ယင်းမှာ ပါဠိ ပိဋကတ်လာ အဘိဓမ္မာဘာသာရပ်ကို ဆိုလိုကြောင်း။ အထူးပြု သုတေ သနပြုလိုသည့် ဘာသာရပ်မှာ စိတ်ဖြစ်စဉ်များ (၀ီထိ=thought process) အကြောင်းပင် ဖြစ်ကြောင်း။ အရှင် အနုရုဒ္ဓါ ရေးပြုထားသည့် အဘိဓမ္မတ္ထသင်္ဂဟကျမ်းတွင် ယင်းအကြောင်းများကို အသေး စိတ် ဖော်ပြ ထားကြောင်း။ အဘိဓမ္မတ္ထသင်္ဂဟကျမ်းသည် အဘိဓမ္မာ ၇ ကျမ်းကို အနှစ်ထုတ်ထားသော ကျမ်းဖြစ်၍ ယင်းကျမ်းပါ အချက်အလက်များ သည် အဘိဓမ္မာ ၇ ကျမ်းမှ အချက်အလက်များပင်ဖြစ်ကြောင်း။ ထို့ကြောင့် ပါဠိ အဋ္ဌကထာ ဋီကာ ကျမ်းများနှင့် အဘိဓမ္မတ္ထသင်္ဂဟကျမ်းကို ညှိနှိုင်းဘို့ မလွယ်သော်လည်း သိပ်ခက်ခဲမည် မထင်ပါကြောင်း။ သို့သော် ကျမ်းပြု ဆရာ အရှင်အနုရုဒ္ဓါသည် အေဒီ ၆ ရာစု လောက်တွင် ပေါ်ထွန်းခဲ့ သူဖြစ်ကြောင်း။ ၃င်းအရင် ( ပါဠိပိဋကတ်အပြင် ) မည်သူများက ဒီလို ၀ီထိတွေ အကြောင်းကို ပြောပြထား ခဲ့သေးလဲ။ ဒီဝီထိတွေရဲ့ (source) ပင်မ ရေသောက်မြစ် က ဘယ် ( သူ၊ ဘယ်ကျမ်းတွေ ) က အစပျိုးမှတ်တမ်း တင်ခဲ့တာလဲ။ နောက်ပြီး ဗုဒ္ဓဇင် ဂိုဏ်းခွဲတစ်ခုဖြစ်တဲ့ မဟာယာန ကျမ်းစာတွေမှာကော မဟာယာန ဆရာကြီး များဖြစ်ကြ တဲ့ အရှင်နာဂဇ္ဇုန၊ ဓမ္မကိတ္တိ၊ ၀သုဗန္ဓု တို့ ဒါနဲ့ပတ်သက်ပြီး ဘယ်လို ပြောခဲ့ကြသေးလဲ။ တစ်ခြား ဟိန္ဒူ၊ ဂျိန်းကျမ်းစာတွေမှာ ကော ဘယ်လို တင်ပြထားတာ ရှိလဲ။ ဒါကို အဓိကထား သုတေသနလုပ်လိုသည့် စာ တမ်းဖြစ် ကြောင်း '' ပြောသည်။

'' မင်း မဟာယာန ကျမ်းစာတွေကော လေ့လာဘူးသလား'' ( ဒေါက်တာ ဒေ၀ကာ မေး)

'' မလေ့လာဘူးပါဘူး။ ဒါကြောင့် အဲဒီအတွက် ငါ့မှာ ဆရာလိုတယ်။ ဒါကြောင့်လည်း ဒီ (မင်း တို့ ဆီ) မှာ ဆက် လက် ပညာသင်လိုခြင်းဖြစ်တယ်။''

'' အဲဒီအတွက် အင်္ဂလိပ်စာ ကောင်းဘို့ လိုလိမ့်မယ်။ ပီအိပ်ခ်ျဒီစာတမ်းဆို ပိုကောင်းတာပေါ့ ''

ဒေါက်တာ ဂိုဂလိတ်က philo ဘာသာရပ်က စိတ်ဖြစ်စဉ် အကြောင်း အချို့ကို ပြောနေသေး သည်။ သို့သော် မေးခွန်းမလာ။ ဒေါက်တာ ဗဟုကာ ကတော့ ဘာမှ မမေးပဲ စာရေးသူ၏ ကျောင်းသားမှတ်တမ်း စာရွက်ဖိုင်ကိုသာ လှန်လှောကြည့်နေ၏။ ထိုမျှဖြင့် စာရေးသူ၏ အင်တာဗျူး လူတွေ့စစ်မေးမှု ကိစ္စသည် ပြီးဆုံး သွားသည်။ အခန်းထဲက ထွက်လျှင် ဗိယက်နမ် သီလရှင် က အနားလာ၍ မေးလာ၏။

'' ဘာတွေ မေးတာလဲ ဟင်၊ ခက်သလား။ ''

'' သိပ်အခက်ကြီး မဟုတ်ပါဘူး။ ဘယ်မှာ အမ်အေ ပြီးတာလဲ။ ဘယ်ခုနှစ်လဲ။ မင်းလုပ်ချင်တာ ဘယ်လို ဘာသာ ရပ်မျိုးလဲ။ ဘယ် ဧရိယာ(နယ်ပယ်)ကလဲ။ ဒါပါပဲ။ လူတိုင်းကို ဒါပဲ မေးမှာပဲလေ''

'' ငါတော့ ခက်လိမ့်မယ်။ ဘာလို့လဲဆိုတော့ သူတို့ (ကုလားတွေ) ပြောတာတွေကို ကောင်း ကောင်း နားမ လည်ဘူး။''

'' မခက်ပါဘူး။ မင်းဘယ်မှာ ကျောင်းပြီးခဲ့တာလဲ မေးတဲ့အခါ ဘယ်မှာ ဘယ်ခုနှစ် တန်းပြောရုံပဲ။ မင်း လုပ်ဘို့ စိတ်ကူးထားတဲ့ ဘာသာရပ်က ဘာလဲ''

'' ၀ိနယပိဋက ''

'' စာတမ်း ခေါင်းစီးက ဘာလဲလို့ မေးရင် ''

'' Four noble truths =သစ္စာလေးပါး''

'' အင် မဟုတ်သေးဘူးလေ။ သစ္စာလေးပါးက သုတ္တန်ပိဋကမှာ အဓိက လာတာလေ။ ၀ိနယ ပိဋကမှာ မဟုတ် ဘူး။ မင်း နားလည်လား။ ခေါင်းစီးက သစ္စာလေးပါး။ ဧရိယာက သုတ္တ၊ ပိဋက သုံးပုံကလို့ ပြောရင်လည်း ရပါ တယ်။''

ညပိုင်းတွင် စာရေးသူ ကြားသိရသည်မှာ ကျောင်းသား ၉ယောက်အနက် ၈ ယောက် အောင်၍ တစ်ဦး ကျရှုံး သတတ်။ ယင်း အင်တာဗျူး ကျရှုံးသော သူမှာ ယင်း ဗိယက်နမ် သီလရှင်ပင် ဖြစ်ကြောင်း သိရသည်။ သူမ၏ အဓိက ပြဿနာမှာ မေးသည်ကို နားမလည်ခြင်းဖြစ်ကြောင်း။ ပြုလုပ်လိုသော ဘာသာရပ်ရဲ့ ဧရိယာ ကို ပြောပါ ဟု ဆရာမေးသောအခါ ပူနေးဟု ဖြေသတတ်။ စာရေးသူမှာ သူမအတွက် စိတ်မကောင်းခြင်းကြီး စွာ ဖြစ်ရုံမှတစ်ပါး အခြား အခြား ဘာမျှ ဘာမျှ မတတ်နိုင်တော့ပါ။

၁၉-၈-၁၁

အမှတ်မထင် စကားများခြင်း(၂)

အမှတ်မထင် စကားများခြင်း(၂)

''ဒါပေမယ့် ခုခေတ်က ဘုရားရှင်ခေတ်ကလို မဟုတ်တော့ဘူး။ အရာရာဟာ ပြောင်းလဲ ကုန်ပြီ။ (ဘုရားစကား များသည် မူလအတိုင်း မဟုတ်တော့ ဟုဆိုလို)။ လိုက်နာမှုမှာလည်း အရင်လို မဟုတ်ကြတော့ဘူး။''

'' ဟုတ်တယ်။ ဒါပေမယ့် တို့ လိုက်နာနိုင်အောင် ကြိုးစားနေရမယ်။ ဒီနေ့ မလိုက်နာနိုင်ရင် နက်ဖြန် လိုက် နာနိုင်အောင် တို့ကြိုးစားနေရမယ်။ ဒီလိုမှ မလိုက်နာနိုင်ဘူး ဆိုရင် တို့ဟာ လူတွေနဲ့ ဘာမှထူးမှာ မဟုတ်တော့ ဘူး။ လူတွေက တို့ကို ဘာဖြစ်လို့ လှူဒါန်း နေတယ် ဆိုတာကိုကော မင်းသိရဲ့လား''

'' ဒါပေမယ့် ငါ့ကိုယ်ငါ ဘယ်တော့မှ မြင့်တယ်လို့ မတွေးခဲ့ဘူး။ လိုအင်ဆန္ဒတွေ အပြည့်နဲ့မို့ သိပ်ပြီးလည်း လူတွေနဲ့ ထူးတယ် မထင်ဘူး။''

''မှန်တယ်။ အကျင့်ဆိုတာ ရှိတယ်။ စိတ်က မကောင်းတာ ဖြစ်ဦးတော့ ကိုယ်နဲ့ နှုတ်မှာ မဖြစ်ဘို့ စောင့်စည်းနိုင် ရမယ်။ ဒီစောင့်စည်းမှုက လူတွေနဲ့ မတူအောင် လုပ်လိုက်တာပဲ။ ဒါကြောင့် လူတွေက သူတို့နဲ့ မတူပါလား ဆိုပြီးတော့ လှူကြ ဒါန်းကြတာပေါ့။ လေးစားကြ တာပေါ့။ ''

'' ငါ ကတော့ သူများ လှူတာ ဒါန်းတာတွေကို လက်ခံရတာကို မပျော်ပိုက်ဘူး။ ကိုယ့်ကိုယ်ကိုလည်း မကျေနပ် ဘူး။''

'' ဒါက မဆန်းပါဘူး။ လူတိုင်း ပေးချင်တဲ့ အလုပ်ကိုပဲ လုပ်ချင်ကြတာချည်းပါပဲ။ ကိုယ့်ကိုယ်ကို မကျေနပ် တာကတော့ လူတိုင်းလိုပါပဲ။ ဖြစ်ချင်တာတွေ များသလောက် မကျေနပ်မှုတွေ များနေမှာပဲလေ။ ဒါကြောင့် ဒီအလိုဆန္ဒတွေ ကင်းအောင် တရားကျင့်ကြတာပေါ့''

(သူပြောလိုသော မကျေနပ်မှုမှာ အမြဲတမ်း ကရုဏာဖြစ်နေတယ်လို့ ဆိုလိုခြင်းဖြစ်၊ စာရေးသူက တစ် မျိုးပြောမိ)

'' ငါ့ အမြင်။ ဟုတ်တယ် ငါ့အမြင်လို့ပဲ ပြောကြပါစို့။ ငါ့အမြင်ကတော့ သူတို့(ရဟန္တာဖြစ်အောင် ကျင့်နေတဲ့ သူတွေ) နဲ့မတူဘူး။ ကိလေသာ ကုန်အောင်လည်း တရားအားမထုတ်ချင်ဘူး။ အဲလို စိတ်ကို ထိန်းချုပ်ရတဲ့ လုပ်ငန်းကလည်း တကယ်တမ်း ခက်တယ်ဆိုတာကို ငါလက်ခံပါတယ်။ ဒါပေမယ့် အဓိက ငါလုပ်ချင်တာ ကတော့ သူများတွေကို ငါ အကူအညီတွေ ပေးချင်တယ်။ ဆင်းရဲသူ ဆင်းရဲသားတွေကို စားစရာတွေ၊ ပိုက် ဆံတွေ ပေးပြီး ကူညီထောက်ပံ့ချင်တယ်။ မျက်နှာလွှဲ မနေချင်ဘူး။ သနားနေတဲ့ စိတ်ကို အမြဲ တမ်း မွေးမြူထားချင်တယ်။''

'' ဟာ ဒါ ကောင်းတာပေါ့။ ဘာမှ အပြစ်ပြောစရာ မရှိပါဘူး။ ဒါ ဘုရားအလောင်း စိတ်ဓာတ်ပဲ။ ဒီစိတ်ဓာတ်ကို ပါဠိမှာ ကရုဏာလို့ ခေါ်တယ်။ သူများ ဆင်းရဲဒုက္ခတွေကို ပယ်ရှားလိုတဲ့ စိတ် သဘောတစ်ခုပဲ။ အဲဒီစိတ်ဓာတ်ကို မွေးမြူနေရင် ဒါဟာ ကမ္မဋ္ဌာန်းတစ်မျိုးဖြစ်တယ်လို့ ဘုရား ပြောထားတာရှိတယ်။ ကရုဏာ ကမ္မဋ္ဌာန်းပေါ့။ ဒီတော့ ကိလေသာ ကင်းအောင် လုပ်နေတဲ့ သူတွေလည်း ဘာမှ အပြစ်ပြောစရာ မရှိသလို မင်းလို ဘုရားလောင်းစိတ်ဓာတ် မွေးမြူနေတဲ့ သူတွေကိုလည်း ဘာမှ အပြစ်ပြောစရာ မရှိပါဘူး။ ဘာလို့လဲ ဆိုတော့ အားလုံးက အကောင်း တွေချည်း ဖြစ်နေကြလို့ပဲလေ။ ''

စာရေးသူက ရဟန္တာနှင့် ဘုရားလောင်းကျင့်စဉ် တန်းညှိပြလိုက်သောအခါ မတူကွဲပြား ထူးခြား တယ်လို့ ပြောလိုသော သူ့အယူမှာ လေခတ်သော တိမ်ပုပ်ကဲ့သို့ အဝေးသို့ လွင့်ပျောက် သွားတယ်။

'' နေစမ်းပါဦး မင်းတို့နိုင်ငံကို တို့သိထားတာက ဗုဒ္ဓဘာသာ နိုင်ငံတစ်ခုအနေနဲ့ပေါ့။ ဒါပေမယ့် အခု အခြေအနေက ခရစ်ယာန်တွေက များနေတယ် မဟုတ်လား။ ကမ္ဘာမှာ ခရစ်ယာန် ဘာသာတိုး တက်ရေး အတွက် စိတ်ထက်သန်ဆုံး က ကိုရီးယားတွေလို့ နာမည်ကြီးနေတယ်။ ဟုတ်လား။''

'' ဟုတ်တယ်။ ဒါပေမယ့် အများစု စိတ်ဓာတ်က ဗုဒ္ဓဘာသာ စိတ်ဓာတ်ပါ။ ဗုဒ္ဓဘာသာ ကောင်းတာကိုလည်း သူတို့ အသိအမှတ် ပြုကြတယ်။''

''ဒါ ကတော့ကွာ ကမ္ဘာ့ဘာသာ တရားတွေမှာ ဗုဒ္ဓဘာသာက အကောင်းဆုံးဆိုတာ ကမ္ဘာ့ဘာ သာ ရေး ခေါင်းဆောင်တွေတောင် အသိအမှတ် ပြုကြသေးတာပဲ။ ဗုဒ္ဓဘာသာကို အကောင်း လို့ မြင် တာလောက်တော့ မဆန်းသေးပါဘူး။ ဆန်းတာက ဗုဒ္ဓဘာသာ လူဦးရေ လျော့ကျ လာခြင်းပဲ။ ကဲ အခုဆို မင်း တို့ နိုင်ငံမှာ ဗုဒ္ဓဘာသာက ရာခိုင်နှုန်း ၃၀ ပဲ ရှိပြီးတော့ ခရစ်ယာန် က ရာခိုင်နှုန်း ရ၀ လောက် ရှိတယ်လို့ ငါတို့ ကြားသိနေရတယ်။''

''အဲလို မဟုတ်ပါဘူး။ ခရစ်ယာန်လည်း ၃၀ လောက်ပါပဲ။ တို့နိုင်ငံက ဘာသာရေးနိုင်ငံ မဟုတ် ဘူးလေ။ အဲတော့ ဘာသာတရားတွေ အပြိုင်ရှိနေတာ ဒါ တစ်မျိုးကောင်းပါတယ်။ အမြင် အမျိုးမျိုး အယူ အမျိုးမျိုးပေါ့။ ကြိုက်တာ ကိုးကွယ်ကြလေ။''

''ဒါဆို မင်းတို့ တာဝန်က ဘာလဲ။ မင်းတို့ကို လူတွေက လှူဒါန်း ပေးကမ်းနေတာ ဘာ အတွက်လဲ။ ''

'' စိတ်ကို ဖြူစင်အောင် ကျင့်ဘို့ပဲလေ''

'' မဟုတ်သေးဘူး တာဝန်ဆိုတာ ရှိသေးတယ်။ ဘာဖြစ်လို့လဲဆိုတော့ အဖွဲ့အစည်းတစ်ခု ဖြစ်နေ လို့ပဲ။ ဘုရားက ဒီ သံဃာ့အဖွဲ့အစည်းကြီး ထားခဲ့တာ အလကား မဟုတ်ဘူး။ သူ့တရားတော် တွေကို ထိန်းသိမ်းဘို့၊ လူအများ နားလည်အောင် ဖြန့်ဖြူးဘို့အတွက် ဖြစ်တယ်။ ဒါ မင်းတို့ ငါတို့ တာဝန်တွေပဲ။ ''

'' ဗုဒ္ဓဘာသာက ဘာသာတရားတစ်ခုမှ မဟုတ်ပဲ။ ပြီးတော့ ဘာသာတရားတိုင်းကလည်း အကောင်းကိုပဲ ညွှန်ပြနေတာပဲ မဟုတ်လား။ ''

''ဗုဒ္ဓဘာသာကို ဘာသာတရားတစ်ခုဖြစ်တယ်လို့ ငါ မပြောပါဘူး။ တစ်ခြား ဘာသာတရားတွေ ကိုလည်း မကောင်းဘူးလို့ ငါ မပြောပါဘူး။ မင်းတာဝန်က ဘာလဲ ဆိုတာ သိဘို့လိုတယ်။ အခြား ဘာသာက လူတွေက သူတို့ဘာသာ ပြန့်ပွားအောင် လုပ်နေကြသလို မင်းတို့ ငါတို့က လည်း ငါတို့ ဘာသာတရားကို လူအများနား လည်အောင် လုပ်ကြရမှာပဲ မဟုတ်လား။ ဘာဖြစ် လို့လဲဆိုတော့ မင်းတို့ ငါတို့က ဗုဒ္ဓအဖွဲ့အစည်း ထဲမှာ ရောက်နေလို့ပဲ။ နောက်ပြီးတော့ မင်း တို့နိုင်ငံက ဗုဒ္ဓဘာသာနဲ့စ ခဲ့တဲ့ ဗုဒ္ဓဘာသာနိုင်ငံ တစ်ခုပဲ။ ဒါကြောင့် ရိုးရာ ဘာသာဖြစ်တဲ့ ဗုဒ္ဓဘာသာကို ဆက်ထိန်းထားဘို့ လိုတယ်ဆိုတာကို ငါပြောလိုရင်းပဲ။ မင်းတို့ နိုင်ငံက အခြားဘာသာတရားတွေနဲ့ စတင်တည်ဆောက်ခဲ့တာ ဆိုရင် ငါ ဒီလို စကားမျိုး ပြောမှာ မဟုတ်ပါဘူး။''

''ဘာသာတရား ကျဆုံးတယ်ဆိုတာ အဲဒီဘာသာရဲ့ ခေါင်းဆောင်တွေ ညံ့ဖျင်းမှုပဲလို့ တွက်လို့ ရတယ်။ လုပ်ကြစမ်းပါ မင်းတို့ (မဟာယာန)တွေက လူတွေနဲ့ ပိုနီးပါတယ်။ အံ့စရာ ကောင်းတာက ဒီလောက် လူမှုရေးတွေလုပ်ပြီး လူတွေနဲ့ လက်ပွန်းတတီးရှိနေတဲ့ မင်းတို့ ( မဟာယာန တွေ) က တို့(ထေရ၀ါဒ) ထက် ပိုမို တိုးတက်နေရမှာ အခုတော့ ဟိုက နှင် ဒီက နှင်နဲ့။ ''

'' ဘယ်က နှင်တာလဲ''

'' အခြေအနေကို သုံးသပ်ပြတာပါ။ လားမားကြီးတို့ အဖွဲ့ကို တိဘက်ကနေ တရုပ်က နှင်လိုက် တာ အိန္ဒိယ ကိုပြေးလာရတာ ဘယ်လောက်ကြာပြီလဲ။ အိန္ဒိယမှာလည်းကြည့် ဟိုရှေး ရှေး (နာလန္ဒာတက္က သိုလ်ကြီး ခေတ်) ကတည်းက ဟိန္ဒူတွေ မွတ်တွေက နှင်လိုက်တာ ခုချိန်ထိ ပြန်လည် မတည် ဆောက်နိုင်ကြသေးဘူး မဟုတ် လား။ ဂျပန်။ တရုပ်ကြည့် ဗုဒ္ဓဘာ သာဟာ အစိတ်အပိုင်း တစ်ခုမှာပဲ ရှိနေတယ်။ အခုခေတ် မင်းတို့နိုင်ငံ ကိုကြည့် ဗုဒ္ဓဘာသာ ဦးရေတွေထက် အခြားဘာသာ ဦးရေက တစ်ဟုန်ထိုး တက် လာပြီး လွှမ်းမိုး တော့မယ်။ ၀န်ကြီးချုပ်ကအစ ခရစ်ယာန်ဖြစ်နေတော့ မင်းတို့ ဗုဒ္ဓဘာသာတွေ မျက်နှာ မရဘူး မဟုတ် လား။ ဒါတွေက မင်းတို့နိုင်ငံမှာ ဗုဒ္ဓဘာသာကို နှင်ထုတ်ခြင်း တစ်မျိုးပဲလို့ ငါထင်တယ်။ ဘယ်လို ပဲ ဖြစ်နေနေ မင်းတို့နိုင်ငံ ဗုဒ္ဓဘာသာ အခြေအနေက ကောင်းပါသေးတယ်။ နောက်မ ကျသေးပါဘူး။ မင်းတို့ ကြိုးစားကြဘို့ပဲ လိုပါတယ်။ ''

မှတ်ချက်။ ၃-၈၀-၁၁=နေ့က စကားဆွေးနွေးချက်များထဲမှ အချိ့ကို စာကညစ် ရေးခြစ်ခြင်းဖြစ်ပါသည်။

အမှတ်မထင် စကားများခြင်း

ဒီနေ့ နေ့လည်စာ စားနေတုန်းမှာ ကိုရီးယား ရဟန်း ရောက်လာတာနဲ့ သူနဲ့ အချိန် အတော်ကြာကြာ စကားတွေ ပြော ဖြစ်ကြတယ်။ သူကလည်း စာရေးသူလို (အင်္ဂလိပ် စကား လေ့ကျင့်တဲ့အနေနဲ့) စကားများသူ သို့မဟုတ် သူ့အမြင် ကိုယ့် အမြင် ဖလှယ်ချင်သူ တစ်ယောက်ဖြစ်တာမို့ ဘက်ရှိရင် (အချိန်ရ၊ အကြိုက်တွေ့ရင်) မထတမ်း ပြောဘို့ မခဲယဉ်းတဲ့ သူပဲ။ ပြောကြတဲ့ အကြောင်း အရာတွေက ဘာသာရေး အကြောင်းပဲ များပါ တယ်။ သူက ဒီနှစ်မှ ရောက်လာ တဲ့ ကျောင်းသား၊ ဆန်းစစ်ကရစ်ဌာနမှာ ဒီပလိုမာ သင်တန်းတက်ဘို့ စာရင်း သွင်းထားတယ် လို့ ပြောတယ်။ ဒီတော့ ဒီလို စကား စ ဖြစ်သွားတယ်။

''ပါဠိဌာနမှာ ဘာလို့ မလုပ်တာလဲ။ တို့ဘုရားက ပါဠိဘာသာနဲ့ သူတရားတွေကို ဟောခဲ့ တာပဲ''

'' ငါ ပါဠိစာ မသင်ချင်ဘူး။ ဘာလို့လဲဆိုတော့ ပါဠိဘာသာကနေ ကိုရီးယားလို ဘာသာပြန် ထားတဲ့ နိကာယ် ကျမ်းတွေကို လွန်ခဲ့တဲ့ သုံးနှစ်လောက် ငါ လေ့လာဘူးလို့ပဲ။ ဒါကြောင့် ငါ့အ တွက် ပါဠိမလိုတော့ဘူး။ ''

ဘုရားတပည့် ရဟန်းတစ်ပါးက ပါဠိစာမလိုဘူး လို့ ပြောတာ ထူးဆန်းတယ်။ ဒါပေမယ့် မဟာ ယာနတွေက ပါဠိ စာထက် ဆန်စစ်ကရစ်ဘာသာကိုသာ အလေးထား သင်ကြားကြတယ် ဆိုတာကို သိထားရင် သူ ဒီလို ပြောတာ မဆန်းဘူးလို့ ဖြေသာတယ်။

'' နို့ ဘာဖြစ်လို့ ဆန်စစ်ကရစ် သင်တာလဲ''

''အိန္ဒိယ ဖလော်တွေ၊ နာဂဇ္ဇုန ဖလော်တွေကို မူရင်းကျ ကျ သိချင်လို့ပဲ။ သူတို့ (ဆန်းစစ် ကရစ် ဘာသာနဲ့ ) ရေးထားတဲ့ ကျမ်းစာတွေကို ငါ နှိုင်းယှဉ်ကြည့်ချင်တယ်။ ဒါကြောင့် ငါ သင် တာပါ၊ ဆန်စစ်ကရစ်သင်တာက ပါဠိစာသင်တာထက် ငါ့နိုင်မှာ ငါ့အတွက် အဓိပ္ပါယ်ပို ရှိမယ် လို့ ငါထင်တယ်လေ ''

ပါဠိစာကို မဟာယာနတွေ ဘာဖြစ်လို့ မျက်နှာလွှဲနေကြတာလဲ စဉ်းစားလို့ကို မရဘူး။ သူက အရှေ့တိုင်း ဖလော်၊ အနောက်တိုင်း ဖလော်။ ဗုဒ္ဓဇင် နှင့် အခြားဘာသာ တရားများရဲ့ ကွာခြားချက် စတာတွေ ကို ပြောလာ တယ်။ နာဂဇ္ဇုန၊ ဓမ္မကိတ္တိရဲ့ ဖလော် အကြောင်းတွေလည်း ပါတယ်။ သူ မောလောက်အောင် ပြောပြီးမှ စာရေး သူက ကောက်ချက်ချ ပြောတာပါ်။

'' အနောက်တိုင်း ဖလော်နဲ့ အရှေ့တိုင်း ဖလော်တွေအားလုံးက အခြေခံအားဖြင့် အတူတူပါပဲ''

'' ဘယ်လို တူတာလဲ''

'' သူတို့ အားလုံး အတ္တမှာ လမ်းဆုံးကြတာချင်း တူကြတာကို ပြောတာပါ။ အရှေ့တိုင်း (အိန္ဒိ ယ) ဖလော်တွေက အတ္တ (ဗြဟ္မာ)မှာ လမ်းဆုံးပြီးတော့ အနောက်က ဂေါ့ဒ်မှာ လမ်းဆုံးကြတာပဲ။ ဒါကြောင့် အခြေခံ သဘော အားဖြင့် ယေဘုယျ တူတယ်လို့ ပြောနိုင်တယ်။ အနောက် တိုင်း ဖလော်တွေက လွတ်လွတ်လပ် လပ် တွေးခေါ် တတ်တော့ ဗုဒ္ဓ၀ါဒနဲ့ အတော် လေး သွားတူတာကို တွေ့ရတယ်။ ဥပမာ- အရာရာဟာ အမြဲ တမ်း ပြောင်းလဲနေ တယ်ဆိုတဲ့ ဗုဒ္ဓဟောပြောချက်ကို သူတို့ အားလုံးလို လိုက်ပြောကြတာပဲ။ ဒါပေမယ့် ဗုဒ္ဓက အပြည့်အစုံ အသေးစိတ်ပြောပြခဲ့ပေမယ့် သူတို့ကတော့ အချက်အလက် အချို့သာ ပြောပြနိုင်ကြတယ်။ ''

'' ငါ ရဟန္တာမဖြစ်ချင်ဘူး၊ နိဗ္ဗာန်ကိုလည်း မရောက်ချင်ဘူး''

သူ့ စကားတွေက တစ်ဖက်ကို စောင်းနေတယ် ဆိုတာ ထင်ရှားတယ်။ မဟာယာနတွေရဲ့ သဘော ကို ကောင်းကောင်းကြီး စောကြောမိထားတာမို့ သူဘာကို ရည်ရွယ်ပြီး ပြောနေတယ် ဆိုတာကို စကားထွက် လာတာနဲ့သိနိုင်တယ်။ ထေရ၀ါဒ က ရဟန္တာဖြစ်ရေး နဲ့ နိဗ္ဗာန်ရောက် ရေးကိုပဲ အလေးထားပြီး အခြားကိုတော့ အလေးမထားဘူးလို့ မဟာယာန အများစုက တွေးထင်ထားကြတယ်။ ပြဿနာ မဟုတ်တာကို ပြဿနာ ရှာ တတ်ကြတာ သူတို့ရဲ့ ခေါက်ရိုးကျိုးနေတဲ့ အကျင့်ပဲလေ။ ဒီတော့ သောက်လက်စ ရေနွေးကြမ်းခွက် ကို ဘေးမှာ အသာချ ထားလိုက်ပြီး သူ့ကို မေးလိုက်တယ်။

'' မင်းက အဲလို ပြောလို့ ငါ မေး ပါရစေ။ နိဗ္ဗာန်ရောက်တာနဲ့ ရဟန္တာဖြစ်တာ မကောင်း လို့လား။

'' ငါ ရဟန္တာ မဖြစ်ချင်ဘူး''

'' မင်း ဖြစ်ချင်တာ မဖြစ်ချင်တာကို ငါ မေးတာ မဟုတ်ဘူး။ ဒါက မင်း အပိုင်း။ အခု ငါမေးနေ တာက အဲဒီ ၂ ခုက မကောင်းဘူးလား၊ ကောင်းသလား ဆိုတာပဲ။''

'' အဲဒါ ကောင်းပါတယ်''

'' အေး ဟုတ်ပီ။ ဒါဆိုရင် အဲဒီ ၂ ခုက ဘာမှ အပြစ်ပြောစရာ မရှိတော့ဘူး။ မင်း မကြိုက်ဘူး ကြိုက်တယ် ဆိုတာကတော့ မင်း အပိုင်းပေါ့ ဟုတ်လား။ ကဲ မင်း အမြင် ဆက်ပြောပါဦး''

အားရပါးရ ပြောမယ် အလုပ်မှာ မေးခွန်း အမေးခံရတာကြောင့် အောက်သက်သက် ဖြစ် ကောင်းဖြစ်လိမ့်မယ်။ ပုဂ္ဂိုလ်နဲ့ ဓမ္မ မကွဲပဲ လုံးချာလိုက် အတော်မသတ် အောင် ပြောနေမှာစိုး လို့ စောစောက ကြိုရှင်းထားတဲ့ သဘောပါ။

''ငါတို့ နိုင်ငံမှာ အချို့ရဟန်းတွေရှိတယ်။ သူတို့က ရဟန္တာဖြစ်ချင်ကြတယ်။ ဒါကြောင့် ဘာကိုမှ သူတို့ ဂရုမစိုက်ကြဘူး။ အားလုံးကို ငါတို့နဲ့ မဆိုင်ဘူးဆိုပြီး မျက်နှာ လွှဲနေကြတယ်။ သူတို့ တရားပဲ သူတို့ အားထုတ်နေကြတယ်။ အချို့ ရဟန်းတွေ လူမှုရေးတွေ လုပ်တာတွေကို တောင် အပြစ်ပြောချင်ကြတယ်။ ဥပမာ တိုင်းပြည်အတွက် ဆန္ဒပြတာမျိုးတွေကို ဒါ ငါတို့နဲ့ မဆိုင်ဘူး ဆိုပြီး တားဖြစ်ကြတယ်။ ဒါပေမယ့် ငါ့အမြင်ကတော့..။''

ဒါဟာ သူတို့ နိုင်ငံက တကယ့် အခြေအနေ ဟုတ်ကောင်းမှ ဟုတ်ပေမယ်။ သို့သော် သူပြော လိုရင်းက လူမှုရေး မလုပ်ပဲ ရဟန္တာဖြစ်ရေး ကျင့်နေတာသည် အမြင်ကျဉ်းမြောင်းခြင်း တစ်မျိုး ပဲလို့ ဆိုလိုတယ်။ ဒီစကားကလည်း တစ်ဖက်(ထေရ၀ါဒ) ကို စောင်းပြောနေသလားဆိုတာ သံသယ၀င်စရာပဲ။ သူ့စကားကို ဆုံးအောင် နား မထောင်နိုင်တော့ပါ။

''တို့ ရဟန်းတွေဆိုတာ ဘာပဲလုပ်လုပ် ဘုရားစကားအတိုင်း လုပ်ကြရမှာပဲ။ ဘုရားက မလုပ်နဲ့ လို့ ပြောထား တာတွေ တို့မလုပ်ပဲ။ လုပ်ပါလို့ ပြောထားတာတွေကို တို့လုပ်နိုင်တယ်။ ဒါကြောင့် တို့ ဘုရား စကားတွေကို များများသိထားသင့်တယ်။ မသိဘူးဆိုရင် တို့ အပြစ်တွေ လုပ်မိမယ်။ သိထားရင် တို့ အပြစ်ကင်းတာတွေချည်း လုပ်ဖြစ်မယ်၊ ပြောဖြစ်မယ်။''

ဒီ စကားမျိုးက ထေရ၀ါဒ အချင်းချင်းဆို ဘာမှ ပြန်လည် မေးစရာ မလိုတဲ့ စကားမျိုးပါ။ ခုဟာက သူက မဟာ ယာန ဖြစ်နေတော့ ခပ်ဆန်းဆန်း ဖြစ်နေတာပေါ့။ သူတို့က ဘုရား စကားတော်ကို ချွင်းချက်မရှိ ယုံတဲ့ သူတွေမှ မဟုတ်တာပဲ။ ဘုရားစကားတော်တွေက နှစ်ကြာ ခဲ့ပြီမို့ ခေတ်နှင့်အညီ ပြင်ဆင် ကျင့်သုံးသင့်တယ် ဆိုတာ သူတို့ရဲ့ လက်ကိုင် ၀ါဒပဲလေ။

'' ဘုရား စကားဆိုတာ ဘာကို ပြောတာလဲ။''

''ဘုရားစကားဆိုတာ ၀ိနည်း သုတ္တန် အဘိဓမ္မာတရားတွေကို ပြောတာပဲ။ အဲဒါတွေကို သိအောင် တို့ အမြဲ တမ်း လေ့လာနေရမယ်။ ပြီးတော့ လိုက်နာ ကျင့်သုံးနေရမယ်။ သိပြီး မကျင့်ရင်လည်း ဒါ မဟုတ်သေးဘူး။ အကျင့်က အဓိက ပဲ။ ''

ကျောင်းပေါ်က တုတ် (သို့) I am really salute Myanmar Bhante

ဒီနေ့ သင်တန်းက ပြန်အလာ လမ်းမှာ မစ်စတာ ဆန်ဂျေး က ငါ မြန်မာ ဘန္တေတွေကို တကယ့်ကို လေးစား ပါတယ်။ ဘာကြောင့်လဲဆိုတော့ အဘိဓမ္မာကို သူတို့ သိပ်သိကြ လို့ပဲ။ အဘိဓမ္မာ ဘာသာရပ်က သိပ် နူးညံ့ သိမ်မွေ့ နက်နဲတာပဲ။ ဒါကို မြန်မာ ဘန္တေတွေ ကောင်း ကောင်း သိကြတယ်။ ဒါကြောင့် ငါ တ ကယ် လေးစား တယ်ဆိုတာကို ပြောတာပါ။

ဒီနေ့ မစ်စတာ ဆန်ဂျေး ဘာအကြိုက်တွေ့သွားသည် မသိ။ လမ်းတစ်လျှောက် မြန်မာ ဘန္တေတွေကို ချီးကျူးခန်း ဖွင့်နေတော့သည်။

အခု ငါ ဆို ဘယ်လောက် ကံကောင်းတဲ့လူလဲ။ ကြည့်စမ်း ဒီလို နက်နဲတဲ့သဘောတရားတွေ ကို မင်းဆီက တစ်ဆင့် သိခွင့် ရနေတယ်။ ဒါဟာ ငါ့ဘ၀မှာ သိပ်ထူးတဲ့ ကုသိုလ်ကံပဲလို့ ငါ တွေးတယ်။

++++++++++++++++++

အဘိဓမ္မာသင်တန်းပေးနေတာ အခုဆို သမုစ္စည်းပိုင်း ဗောဓိပက္ခိယသင်္ဂဟ အခန်းကို ရောက် နေပြီ။ မနေ့က ဒီအခန်းကို စကိုင်တော့ ဘန္တေ သုဒဿန နှင့် ဘန္တေ သုမေဓာတို့ လာ ထိုင်ကြတယ်။ နောက် ဘန္တေသုဂတ ပါ ဒကာတစ်ယောက်နဲ့ ရုတ်တရက် ကိစ္စတစ်ခုနဲ့ ရာက်လာပြီး သင်တန်းကိုလာထိုင်တာမို့ အဘိဓမ္မာ သင်တန်းလေးမှာ အမှတ်မထင် လူစုံသွားတယ်။ သူတို့က အိန္ဒိယနိုင်ငံသား ဘန္တေတွေဖြစ်ကြတယ်။ သုဒဿ နနှင့် သုမေဓာတို့က တက္ကသိုလ်ထဲက ဗုဒ္ဓ၀ိဟာရမှာနေကြပြီး သုဂတကတော့ မြို့ထဲ က ကျောင်းတစ်ကျောင်း မှာ နေတယ်။

ဗောဓိပက္ခိယ ဆိုတာ ဘာလဲဆိုတာနဲ့ စတယ်။ ပြီးတော့ ၀ိုင်း ဆွေးနွေးကြတယ်။ မစ်စတာ ဆန်းဂျေး က ဘိက္ခုနာဒရ ရဲ့ a manual of Abhidhamma စာအုပ်ကို ကိုင်ထားတယ်။ ဘန္တေသုမေဓာ ကတော့ ဒေါက်တာ မင်းတင်မွန်ရဲ့ the essence of Buddha abhiddhamma စာအုပ်။ စာရေးသူကတော့ ဘိက္ခုဗောဓိ ရဲ့ comprehensive manual of Abhiddhamma စာအုပ်။ ဗောဓိပက္ခိယ နဲ့ ပတ်သက်လို့ ဘာသာပြန်ချက်တွေ မတူကြဘူး။ ဘိက္ခုဗောဓိက requisites of Enlightenment, ဘိက္ခုနာဒရ က factors of Enlightenment, ဒေါက်တာ က Enlightenment-factors လို့ ဘာသာပြန်တယ်။ ဒါပေမယ့် အဓိပ္ပါယ်ကတော့ သဘောတရားတစ်ခုတည်းပါပဲ။ ရှင်းပြတဲ့အခါ စကား လုံး ဝေါဟာရ ရင်းမြစ်ကို ကိုင်ပြီး ပြောရတယ်။ ဗောဓိ ဆိုတာ သစ္စာလေးပါးကို သိတဲ့ဥာဏ်ကို ပြောတာပဲ။ အဲဒါကို အင်္ဂလိပ်က Enlightenment လို့ဆိုတယ်။ ပက္ခ ဆိုတာ အသင်းအပင်းကို ပြောတာပဲ။ ဘာသာပြန်ရင် party, friend, association ပေါ့၊ ဗောဓိပက္ခ -ဗောဓိ ဥာဏ်ရဲ့ အသင်း အပင်း၊ အဖွဲ့အစည်း၊ Enlightenment of association လို့ ပေါ့။ iya ဆိုတာကတော့ အဲဒီ ဗောဓိ အသင်း အဖွဲ့မှာ ပါဝင်တဲ့ (membership) တွေကို ပြောတာပဲ။ ဒီတော့ ဗောဓိပက္ခိ ယဆိုတာ ဗောဓိအစည်းအရုံးကြီးတစ်ခုကို ပြောတာပဲ။ Enlightenment of association or membe- rship ပေါ့။ အဖွဲ့ဝင်ပေါင်း ၃၇ ရှိတာကို နောက်တော့ စာရင်းနှင့် တကွ လာလိမ့်မယ်။ ဒီ ၃၇ ပါးကဗောဓိ အဖွဲ့အစည်းကြီးရဲ့ (requite) မရှိမဖြစ် တွေဖြစ်ကြတယ်။ (factor) အချက် အလက် တွေဖြစ်ကြတယ်။ ဘာဖြစ်လို့ လဲဆိုတော့ သူတို့ကို ကျင့်ကြံအားထုတ်ပြီးမှ မဂ်ညဏ် (ဗောဓိ)ကို ရနိုင် လို့ဖြစ်တယ်။

နောက် သတိပဋ္ဌာန လေးပါးကို ဆွေးနွေးကြတယ်။ အဲဒါကို ဘာသာပြန်တာကတော့ foundations of mindfulness ပဲ။ ဒီပြန်ဆိုချက်ကို မြန်မာ ဆရာတွေ သိပ်ပြီး အကြိုက်မ တွေ့တဲ့အကြောင်း ပြောရတယ်။ သတိ က သတိ။ ပဋ္ဌာန က နေရာ။ ဒါကြောင့် ဒီပြန်ဆိုချက် ဟာ တိုက်ရိုက်မဟုတ်ဘူးလို့ သိရမယ်။ ဒါကို အနီးစပ်ဆုံး ဘာသာပြန်ကြည့်ရင် the place of mindfulness ပဲ။ ဒီနေရာမှာ ဌာနဆိုတာက ကာယ၊ ဝေဒနာ၊ စိတ္တ၊ ဓမ္မဆိုတဲ့ အာရုံပဲ။ ဒါကြောင့် the object of mindfulness ဆိုလဲ ဖြစ်ပါတယ်။ နောက်တစ်ခု က ပဋ္ဌာနဆိုတာ အာရုံထဲမှာ စွဲမြဲစွာ တည် နေခြင်းလို့ အဓိပ္ပါယ်ပဲ။ ဒီနေရာမှာ သတိ နဲ့ ပဋ္ဌာနက အဓိပ္ပါယ်တူ ဖြစ်သွားတယ်။ ဒါကို အဲဒီဘာသာပြန်ချက်က မမိပြန်ဘူး။ ဘယ်လို ဘာသာပြန်ရ မယ်ဆို တာကတော့ တို့က ပညာရှင်မဟုတ်တော့ ပြောရမှာ ခက်တယ်။ အာရုံထဲမှာ စွဲမြဲစွာ တည်နေ သော သတိ mindfulness that focus on the object in contemplation ဒီလိုပဲ အဓိပ္ပါယ် ပြောကြပါစို့။ သူတို့ အားလုံး မင်သက် နားထောင်နေကြတယ်။ အဲဒီမှာ အချိန်က နံက် ၁၀ နာရီ ကျော်သွားပြီမို့ သင်တန်းကို ရပ်နားလိုက်တယ်။ နက်ဖြန် တို့လာထိုင်ပါဦး မယ်လို့ ဘန္တေသုဒဿန က ပြောလာတယ်။ မယုံပါဘူး။ ဘာလို့လဲဆိုတော့ ဒီလိုပဲ ခဏ ခဏ ပြောပြီး မလာဘဲ နေလာတာ ကြာပြီပဲ။ ဒါတောင် စောစောရက် သူက ပြောသေးတယ် ထိုင်ဝမ် က မဟာယာန ဘုန်းကြီးတစ်ပါး သင်တန်းလာလိမ့်မယ် တဲ့။ နောက် ၂ -ရက်လောက်နေတဲ့အထိ ပေါ်မလာတော့ '' သူလဲ အိန္ဒိယ ဘန္တေတွေလိုပဲ just speaking သမားပဲ ထင်တယ်'' လို့ ခပ်ဆပ်ဆပ်လေး ပြောလိုက်မိ သေးတယ်။

ဒီနေ့ ထုံးစံအတိုင်း သင်တန်းမှာ မစ်စတာ ဆန်ဂျေး တစ်ယောက်ထဲပါပဲ။ သင်တန်းစတော့ ဗောဓိ ဆိုတာ ဘာလဲ ဆိုတာနဲ့ ပြန်စတယ်။ ဗောဓိ ဆိုတာ သစ္စာလေးပါးကို သိနားလည်ခြင်းပဲ လို့ မစ်စတာ ဆန်ဂျေး က ဖြေတယ်။ သိနားလည်တယ် ဆိုတာ ဘာလဲလို့ ထပ်မေးတော့ သူ မဖြေနိုင်တော့ဘူး။ ဒါပေါ့ မစ်စတာ ဆန်ဂျေး ဗောဓိ၊ ဗုဒ္ဓ ဆိုတာ သစ္စာလေးပါးတရား ကို သိနားလည်းခြင်းဆိုတာလောက်တော့ လူတိုင်း သိတာပေါ့။ အဘိဓမ္မာ အလိုအရ ဘာကို ယူရ မယ် ဆိုတာကျတော့ လူတိုင်း မသိတော့ဘူး မဟုတ်လား။ ဗောဓိ အရ ဘာကို ယူရမယ်လို့ မင်း ထင်သလဲ ကြိုးစားပြီး ပြောကြည့်ပါ။ '' အဲဒါ ပညာ ပေါ့။'' သူ မရဲတရဲ ပြောလာတယ်။ မှန်တာပေါ့ ပညာ ဆိုတော့ ဘယ်ပညာလဲ။ ကာမာဝရ ပညာလား၊ ရူပါဝစရ၊ အရူပါဝ စရ၊ လောကုတ္တရာ ဘယ် ပညာ ကိုယူရမလဲ။ လောကုတ္တရာ။ အင်း ဟုတ်တယ် သစ္စာလေးပါးကို တကယ် ထိုးထွင်း သိနိုင်တဲ့ မဂ်ဥာဏ်လေးပါးကို ဒီနေရာမှာ ဗောဓိ အရ ယူရမယ်။

မစ်စတာ ဆန်ဂျေး ဒါပဲ။ ဗောဓိ လို့ လူတိုင်း ပြောနေကြတယ်။ ဒါပေမယ့် ဗောဓိ ဆိုတာ ဘာလဲ လို့ ရေရေရာရာ မသိတဲ့ သူတွေက များတယ်။ မင်းလဲ အဲဒီအထဲမှာ တစ်ယောက် အပါအ၀င်ပဲ မဟုတ်လား။

မဂ်ဥာဏ်ဆိုတာ ဘာလဲ။ သောတာပတ္တိမဂ် ဆိုတာ ဘာလဲ ဆိုတာတွေက ထပ်မေးစရာ တွေပေါ့။

မစ်စတာ ဆန်ဂျေးကို (အတော်ညံ့တာပဲ ဆိုတဲ့ အဓိပ္ပါယ်နဲ့) တစ်ချက်ကြည့်လိုက်ပြီး မျက်နှာ ခပ်လွှဲလွှဲ ထား ပြောလိုက်တယ်။

ဒါပေါ့ မင်းတို့ အိန္ဒိယမှာ သာသနာပျောက်တာ။ အလွယ်လေး (မေး) ဝေဘန်ချင်ကြတယ်။ သိအောင် တော့ မလုပ်ချင်ကြဘူး။ အချက်အလက်တွေ သိမှ ဝေဘန် စဉ်းစားနိုင်မှာပေါ့။ အခု ဟာက ဘာမှလည်း သိအောင် မလုပ်ဘူး။ တွေ့ကရာ လျှောက် ဝေဘန်နေတော့ ဘာမှ အဖြေမပေါ်ပဲ ပိုမို ရှုပ်ထွေးကုန်တာပေါ့။ နောက်ပိုင်း ဗုဒ္ဓတရားတော်တွေက ခက်တယ်ကွာ ဆိုပြီး နှင်ထုတ် လိုက်ကြတာပဲ။

ဒါက မစ်စတာ ဆန်ဂျေးနှင့် စာရေးသူတို့ရဲ့ အချင်းချင်း ထိုးနှက်ချက်ပဲ။ အခွင့်သာရင် သာသလို သူကလဲ ခက်ရာခဲဆစ် မေးတာပဲ။ မဖြေနိုင်ရင် သူက အနိုင်ဆိုတဲ့ သဘော။ စာရေးသူကလည်း အခွင့်သင့်ရင် သင့်သလို အိန္ဒိယတွေရဲ့ အားနည်းချက်ကို ကိုင်ပြီး တူနဲ့ထု သလို နှက်တော့ တာပဲ။ အဲဒါ မခံနိုင်လို့ ဘန္တေသုဒဿနတို့ အတန်းမတက်ဘဲ ဝေးဝေးက ရှောင်နေတာပဲ ကြည့် တော့။

အဲဒီ လောကုတ္တရာ စိတ်အကြောင်းတွေ စိတ်ပိုင်းတုန်းက တို့ အသေးစိတ် ဆွေးနွေး ခဲ့ပြီးပြီ။ ပြန်ကြည့်ပေါ့။ နေရာတိုင်းမှာ ဆရာ မလိုက်နိုင်ဘူး။ ကိုယ်တိုင် အားထုတ်ဘို့လဲ လိုသေးတယ်။ အဲဒါတွေ ကမ္မဋ္ဌာန်းပိုင်းကျ တစ်ခါ တွေ့ပါလိမ့်ဦးမယ်။ အခု ဒီမယ် ဗောဓိအရ မဂ်ဥာဏ်လေး ပါးကို ကောက်ရမယ်။ ပက္ခိယ အရ သတိ ၀ီရိယ စတဲ့ ၃၇ ပါးကို ယူရမယ်။ အဲဒါတွေကို ယူတဲ့အခါ မဟာကုသိုလ်စိတ်၊ မဟာကြိယာ စိတ်၊ အပ္ပနာစိတ်တွေက ယူရမယ်။ တစ်ခြားက သတိ ၀ီရိယ စတာတွေကို ဒီနေရာမှာ မယူရဘူး။ ဒီ ဗောဓိဥာဏ်ကို ဖြစ်စေတဲ့ ဗောဓိဥာဏ်ရဲ့ အသင်းအပင်းတွေဟာ တကယ့် အထက်တန်းစား တွေ ပဲ ဖြစ်ရ မယ်။ ဒီဗောဓိ အဖွဲ့အစည်း ဟာ လောကမှာ အမြင့်ဆုံး အဖွဲ့အစည်းတစ်ခု ပဲ။

မစ်စတာ ဆန်ဂျေး ပြုံးလာတယ်။ ဗောဓိပက္ခိယ ဆိုတာ ဘာလဲ ဆိုတာကို သူကောင်းကောင်းကြီး သိသွား ပြီလေ။ တင်ပလ္လင်ခွေ ထိုင်နေရာက ဒူးတုပ်ထိုင်လာတယ်။ သူသိပ်သဘော တွေ့ သွားပြီဆိုတာ သိလိုက်တယ်။

သတိပဋ္ဌာန်လေးပါးကို သွားတယ်။ သတိကိုကောက်တယ်။ အဲဒီ သတိက မဟာကုသိုလ်၊ ကြိယာ၊ အပ္ပနာဇော စိတ်တွေနဲ့ယှဉ်တဲ့ သတိပဲ။

မစ်စတာ ဆန်ဂျေး မင်း နေ့တိုင်း တရားထိုင်နေတာ ဘာစိတ်ဖြစ်သလဲ

အပ္ပနာ။

အပ္ပနာ။ မင်း က ဈာန် မဂ်ရနေတဲ့သူလား။

အင် ကုသိုလ်။ မဟာကုသိုလ် စိတ် ဖြစ်တယ်။

ဒါပေါ့ တန်ရာတန်ရာ လုပ်စမ်းပါ

ဒီနေ့ တို့သင်တန်း နားကြစို့

+++++++++++++

အင်း ပြောရရင် ကျောင်းတော်က ဆရာ သမားတွေရဲ့ ကျေးဇူးပဲ။ ငါငယ်ငယ် စာသင်သား ဘ၀မှာ သူတို့က ငါ့ကို တုတ်နဲ့ ရိုက်နှက် သင်ပေးခဲ့ကြတယ်။ ငါ စာမရတဲ့ အခါမျိုးမှာ၊ ငါ စာကျက်ပြင်းလို့ အိပ်နေတဲ့အခါမျိုးတွေမှာ သူတို့ရဲ့ ရိုက်နှက် ဆုံးမခြင်းကို ခံခဲ့ရတယ်။ ငါ အခုလို ဒါတွေကို ကောင်း ကောင်း သိတာ၊ မင်းကို ပြောနိုင်တာ ဆရာသမားများရဲ့ ကျေးဇူးပဲ။ အထူး သဖြင့် ငါ့ကို ရိုက်နှက်ခဲ့တဲ့ တုတ်ကျေး ဇူးတွေပေါ့။

အဟင်း မာရတီမှာလဲ ဒီလို ပြောထားတာ ရှိတယ်။ ချဒိ လဂျီ ချမချမ်၊ ၀ိဒျ ယေဟိ ဂါမ ဂျာမ တဲ့ -ဆရာသည် တပည့်အား ပညာတတ်စေခြင်းငှါ တုတ်ဖြင့် ရိုက်၍ ဆုံးမ၏ တဲ့။

၂၈-၇-၂၀၁၁

နှပ်ညှစ်လို့ မထွက်ပါ

M.A တန်းပြီးသွားပြီ၊ အမှတ် ပေါင်း ၂၅၀ ရပြီး ( B ) ဂရိတ်နဲ့ အောင်တယ်။ မြန်မာကျောင်း သား လေးယောက် အနက် စာရေးသူနဲ့ မောင်အိန်ဒါ အောင်ပြီး မောင်စန်နဲ့ မောင်တေ တို့ ကျကြတယ်။ သူတို့ M.A ပြီးဘို့ ကျတဲ့ဘာသာရပ်တွေကို ဆက်ဖြေရဦးမှာမို့ အိန္ဒိယမှာ ဆက် နေရဦးမယ်။ စာရေးသူတို့ကတော့ ဘာသာရပ် အားလုံးအောင်မြင်တဲ့အပြင် Ph.D အဆင့်မီ တာကြောင့် Ph.D ဆက်လုပ်ကြဘို့ လုံးပန်းနေကြတယ်။ ခက်တာက ဒီ (ပူနေး) မှာ Ph.D ၀င်ခွင့်စာမေးပွဲက မသေမချာဖြစ်နေခြင်းဖြစ်တယ်။

အဲဒီအတွက် ပါဠိဋ္ဌာနကို သွားပြီး စုံစမ်းတာ အကြိမ်ကြိမ်ပဲ။ အဖြေက ဒီအတိုင်း ပါပဲ။ ဆရာတွေတောင် ရေရေ ရာရာ မသိရတဲ့ကိစ္စ။ ဂျွန်ကနေ ဂျူလိုင်။ အခု သြဂုတ်လထဲ ဆိုပဲ။ ကုလားထုံးစံက မသိတာကို ရိုးရိုး မသိပါဘူးလို့ မပြောဘူး။ ဟိုလိုလို ဒီလိုလို (သိသလိုလိုနဲ့) ပြောတတ်ကြတာ သူတို့ရဲ့ အကျင့်ပဲ။ ကုလား ဧက် မိနစ်=တစ်မိနစ် ဆိုတာ တစ်နာရီ လောက်ကြာတာပဲ။ ခိုးတာနဲ့ လိမ်တာ ကုလားတွေ သိပ်ကျွမ်းတယ်။

ဌာနမှူးက Ph.D ၀င်ခွင့် မသေချာတော့ M.PHIL လုပ်ရင် ပိုမို အဆင်ပြေနိုင်တဲ့အကြောင်း ပြောတယ်။ M.PHIL က တစ်နှစ်ခွဲလောက်ကြာမယ်။ ပြီးတော့ Ph.D က ၂ နှစ် ဆိုတော့ စုစု ပေါင်း သုံးနှစ် ခွဲ၊ လေးနှစ်လောက် အချိန်ပေးရမယ်။ ဒီနေရာမှာ ငွေနဲ့ အချိန်က စကား ပြောလာတယ်။ ငွေထက် အချိန်က ပိုမိုတန်ဘိုးကြီးတယ်။ အရွယ်တွေက မငယ်တော့ဘူး။ ဒါကြောင့် ပညာရေးကို မြန်မြန်အဆုံးသတ်ဘို့ လိုနေ တယ်။ တစ်ဖက်ကလည်း အရည်အ ချင်းကို ထည့်စဉ်းစားရသေးတယ်။ ပြီးပြီးရော ဆိုတာက လွယ်နေ တယ်။ ဘွဲ့ဒီဂရီနဲ့ တန်တဲ့ အရည်အသွေးကလည်း ရှိဦးမှ။ ဒီအတွက်ဆိုရင် အရည်အသွေးက အသက် အရွယ် သို့မဟုတ် အချိန်ထက် တန်ဘိုးကြီးနေပြန်ရော။ ဘယ်လိုလုပ်ရမလဲ ဆိုတာ အခုမှ ပိုမိုခက်နေတယ်။

ဘုံဘေမှာ ၀င်ခွင့် သိပ်မခက်ဘူး။ ပြီးတော့ နောက်(အခု) လမှာ သေချာပေါက် ကျင်းပမယ်။ ဒါကြောင့် ပူနေးထက် ဘုံဘေက ပိုမိုအဆင်ပြေနိုင်တယ်လို့ သိရတယ်။ နောက်ပြီး ပန်ချပ် ဘက်က သူငယ်ချင်းကလည်း သူတို့ဆီက Ph.D ၀င်ခွင့် အခြေအနေတွေကို အသေးစိတ် ပြောပြလာတယ်။ ပန်ချပ်ကလည်း နောက်လ ၃၀ ရက်ဆိုပဲ။ ဘာပဲဖြစ်ဖြစ် Ph.D ၀င်ခွင့်နဲ့ ပတ်သက်ရင် ပူနေးထက် အခြားနေရာတွေက ပိုမို အဆင်ပြေနေ တာ တွ့ရတယ်။ ဈေးချို တယ်။ သတ်မှတ်ရက်ရှိတယ်။ ပြီးတော့ ၀င်ခွင့်မေးခွန်း ကအ စ သေချာတဲ့အနေအထားမှာရှိ တယ်။ ဘယ်လိုလုပ်ရမလဲ။

စာရေးသူက အထနှေးတယ်။ အဖေါ်မပါဘဲ ခရီးမသွား(ရဲ)တတ်ပဲ ကြည့်။ မြန်မာပီပီ မျက်စိလည် လမ်းမှားမှာ၊ လူလိမ်နဲ့တွေ့မှာ၊ ဒုက္ခသုက္ခရောက်မှာ စသည်တွေးပူနေတာနဲ့ ဘယ်မှ မသွားဖြစ်ဘူး။ တစ်လောက ဂျပန်မလေးတစ်ယောက် သူမ Ph.D viva လာရင်း ဟိုမြို့ဒီမြို့ကို ညအိပ်ခရီး သွားပြန်လုပ်နေတယ်။ အဲဒါကို ကြည့်ပြီး ထိုင်းသူငယ်ချင်းက သူမလို တစ်ယောက်တည်း ခရီးသွားဘူးသလားလို့ မေးလာတယ်။ ခရီးသွားဘို့၊ သွား တဲ့အခါ တစ်ယောက်တည်း သွားတတ်(ရဲ)အောင် သွားဘို့ အရင်က တိုက်တွန်းဘူးတယ်။ ဆိုလို တာက ဘုံဘေကို ယခု သွားရတော့မယ်။ ဟိုမှာ သူငယ်ချင်းတွေအများကြီး၊ ပြီးတော့ စားစရာ နေစရာ မပူရ၊ မျက်စိလည် လမ်းမှားမှာလည်း မပူရ။ ဖေ့သား ကြိုးထားဆိုပြီး ဘုံဘေကို တစ်ယောက်တည်း ထွက်ခဲ့တယ်။ ဒါတောင် စိတ်ထဲ မရဲသလို ရဲသလို။ ဘုံဘေ ၂ ည အိပ် ၃ ရက်ခရီး ဆရာမကြီးဆီ ပထမဆုံးခေါက် သူငယ်ချင်းဖြစ်သူ သီတဂူစတားနှင့် အတူသွားခြင်းမှ တစ်ပါး ကျန်တာတွေကို တစ်ယောက်တည်းပဲ လိမ့်ဖြစ်တာ များတယ်။ ကျန်တာဆိုလို့ တစ်ခြားမမှတ်လိုက်ပါနဲ့။ စောမယ ကောလိပ်ကနေ ကာလိ နကောလိပ်ကို (နေ့လည်ပိုင်း) တစ်ယောက် တည်းသွား။ (ညပိုင်း) တစ်ယောက်တည်း ပြန်လာတာ။ ဆရာမကြီးနှင့် နောက်တစ်ခေါက် သိချင်တာလေးတွေမေးဘို့ တစ်ယောက်တည်းသွားတွေ့တာ။ ပူနေး ကို ပြန်တော့လည်း တစ်ယောက်တည်း ပြန်တာတွေကို ပြောတာပါ။ ဒါတောင် ဘုံဘေ ရောက်ခိုက် နာမည်ကျော် Bollywood နဲ့ အခြား ရှေးဟောင်း ကျောက်လိုဏ်ဂူတွေ ရှိတဲ့နေ ရာကို သွားဘို့ စိတ်ကူးသေး တာ။ ထားပါတော့ ဒါက တစ်ယောက်တည်း ခရီးတို သွားခြင်းကို ပြောလိုခြင်းပါ။

ဘုံဘေ စောမယ ကောလိပ် (ဆန်စစ်ကရစ်ဌာန) မှာ Ph.D လုပ်မယ်ဆို အလွန်လွယ် ကူနေ တာကို တွေ့ရတယ်။ ဘယ်လောက်အထိ လွယ်သလဲဆိုရင် ၀င်ခွင့်တောင်မှ ဖြေစရာ မလိုဘူး။ နေစရာလည်း အလကား ပေးသေးတယ်။ ဈေးနှုန်းကလည်း ယခုနှစ် ဈေးတက်တာ တောင် အခြားနေရာတွေထက် ပိုမို သက်သာနေတာကို တွေ့ရတယ်။ ပြီးတော့ ကယိကထ မများဘူး။ အားလုံးကို အဖုအထစ်မရှိ လုပ်ဆောင်ပေးတယ်။ အံ့စရာကောင်းလောက် အောင်ကို လွယ်ကူ နေတာတွေ့ရတော့ ဟုတ်မှ ဟုတ်ရဲ့လား လို့တောင် သံသယ ၀င်မိတယ်။ အခြားနေရာတွေမှာ ၀င်ခွင့်။ ဈေးကြီး အခက်အခဲများနှင့် ကြုံတွေ့နေရချိန်မှာ ဒီနေရာတစ်ခုကတော့ အတော်လေး ကို သက်သာချောင်ချိနေတာကို တွေ့ရတယ်။

လူ့စိတ်က တစ်မျိုးပဲ။ မရတော့ လိုချင်တယ်။ ရပြန်တော့ အင်တင်တင်လုပ်ချင်တယ်။ ဆရာမကြီးက မင်းအတွက် ဆရာလည်း အဆင်သင့် ဖြစ်အောင် ငါလုပ်ပေးမယ်။ တစ်ခါတည်း သာ လျှောက်လွှာ တင်သွား ပေတော့ ပြောတာတောင် နားမထောင်ပဲ၊ ငါ ပူနေးပြန်ဦးမယ်။ နောက်ရက်မှ တင်တာပေါ့ လို့ ပြောပြီး ပူနေးကို ပြန်လာခဲ့တယ်။ ပူနေး ရောက်တော့ မောင် မင်းကြီးသား လိမ့်နေအောင် ဖျားတော့တာပဲ။ ဘုံဘေခရီးစဉ်တစ်လျှောက် မိုးရေ လေထဲ သွားလာခဲ့တာကိုး။ ငှက်ဖျားဓာတ်ခံ ရှိတာမို့ ငှက်ပြန်ထပြီလို့ တွက်လိုက်တယ်။ ချောင်းတွေ ဆိုး။ ကိုယ်တွေပူ။ အားတွေနည်း။ အချို့က အပု (ဂျပန်) မလေး ပြန်သွားလို့ လွမ်းဖျား ဖျား တာ ပါလို့ ထင်ကြေးပေးကြတယ်။ မဟုတ်ရပါ အရပ်ကတို့။

သုံးလေး ငါးရက် အိပ်ရာထဲမှာ။ ကုလားဆေးကလည်း ကောင်းသလား မမေးနဲ့။ သောက်လိုက် လို့ကတော့ နာရီဝက်အကြာ ရှိသမျှ ချွေး အကုန်ထုတ်ပစ်တော့တာပဲ။ ထမင်းတွေ ဟင်းတွေ စားချင်စိတ်ပေါက်လာတယ်။ တစ်ပတ်လောက်နေတော့ လူကောင်းပြန်ဖြစ်။ ခက်တာက ပျောက်ပြီး တစ်ပတ်အကြာမှာ အဖျား ပြန်စလာခြင်းပဲ။ ဒါဟာ နာလန်ထ ဆိုပေမယ့် နာလန်ထ လို့ ကိုယ့်ကိုယ်ကို မတွက်မိခဲ့လို့ပဲ။ ပုံမှန် သင်တန်းပြန်ပေးတယ်။ ကျောင်း စာ အိမ်စာ အများကြီး ညအိပ်ပျက်ခံ လုပ်လိုက်တယ်။ အဲဒီမှာ အားနည်း လာတာကို ကိုယ်က မသိလိုက် ဘူး။ ခန္ဓာကိုယ်က သိတယ်။ အားနည်းရာက အဖျားပြန်လာတာပေါ့။ တစ်ရက်၊ နှစ်ရက်၊ သုံးရက် ရောက်တော့ ဆေးခန်းပြန်သွားရရော။ အခု ဆေးသောက်နေရတာ ကြည့်ပေတော့။

ဒီကြားထဲ ဘုံဘေ သတင်းဝင်လာတယ်။ တနင်္လာနေ့ နောက်ဆုံး လျှောက်လွှာတင်ရက်၊ သြဂုတ် ၁-ရက်နေ့က အင်တာဗျူး ထိုင်ရမယ့်နေ့ ဆိုပဲ။ ဘယ်လိုလုပ်ရမလဲ။ ဘုံဘေ ဆရာမဆီ ဖုန်းဆက်ပြောကြည့်တယ်။ ငါ ဖျားနေတယ်။ ဘုံဘေကို ဘယ်တော့ လာရမှာလဲ ပေါ့။ ဆရာမ က သြဂုတ်လ ၁ ရက် နံက် ၁၀ အရောက်လာခဲ့တဲ့။ ဒါဟာ no way ပဲတဲ့။ ဒါက နေ့လည်ခင်းက အဖြစ်အပျက်။ ညခင်း ရောက်တော့ တရုပ် မယ်သီလဆီက ဖုန်းလာတယ်။ ''အင်တာနက်မှာ ကြေငြာထားတယ်၊ M.Phil အတွက် လျှောက်လွှာ တင်ခွင့် ပြုပြီတဲ့။'' ခေါင်းကိုက်ရပြန်ပြီ။ ကြာရင်တော့ ရူးလိမ့်မည်။ ပူနေး Ph.D ကို စောင့်နေ။ Ph.D မလာတော့ M.Phil လုပ်ဘို့ တွေးထား။ M.Phil မလာသေးပြန်တော့ ဘုံဘေဘက်မှာ Ph.D လုပ်ဘို့ တွက်ထား။ ယခု ပူနေး မှာ M.Phil တွေ ခွင့်ပြုပြီ ဆိုပြန်တော့။ ဟိုလိုလို ဒီလိုလိုဖြစ်နေပြန်။ အမေ ရေ….ကုလားပြည်မှာ မေ့သား အဖြစ်က နှပ်ညှစ်လို့ကို မထွက်အောင် ဖြစ်နေပြီ အမေရေ့။ (နေမကောင်းတတ်သဖြင့် health center သွား။ ကုလား ဒေါက်တာ က နှာဆေးသလား မေးသည်ကို နားမလည်ပဲ yes လို့ ပြော မိ သဖြင့် နှာဆေးပျောက်ဆေး ပါ သောက်နေရ)။ ထို့ကြောင့် ကုလားပြည်တွင် နှပ်ညှစ်၍ မထွက်ပါ ဟု ဆိုခြင်းဖြစ်။ ဒီသတင်းကို ဒူးဘိုင်းတွင် အလုပ်လုပ်နေသော နှမများ ကြားသိ၍ (နေမကောင်း၊ စိတ်ရှုပ်) သက်သာရန်အလို့ငှာ မုန့်ဘိုး ဒေါ်လာ (၁၀၀) နက်ဖြန် ပို့ပေး လိုက်ပါမည် ဟု အလိုလို ပြောကြားလာ။ သြော်- ကောင်းလေစွ၊ ကောင်းလေစွ တကား။ ။

ဆန်းဒေးစကူး (၃)

ပြီးခဲ့တဲ့ သီတင်းနှစ်ပတ်က စပြီး ဆန်းဒေးစကူးလုပ်ဖြစ်တယ်။ ကျောင်းသားကတော့ တစ်ယောက်တည်းပါ။ သူက အမေရိကန် တက္ကစက်ပြည်သား။ ဒီမှာ ပီအိပ်ခ်ျဒီလုပ်နေတယ်။ အဆောင်မှာ နေတယ်။ အမည်က ဂျိန်းစ် တဲ့။ ဂျိန်းစ်ဘွန်းမင်းသားကို သိထားတော့ ခေါ်ရတာ လွယ်ပါတယ်။ သူက ခရစ်ယန် တရားဟော ဆရာ လည်း ဟုတ်တော့ ဘာသာရေးမှာ စိတ်ဝင်စားတာ မဆန်းဘူး။ ပြီးတော့ နိုင်ငံတကာ အတွေ့အကြုံလည်း ရှိတယ်။

ပြီးခဲ့တဲ့ (မနေ့က) ဆန်းဒေးမှာ အကြောင်းအရာ အတော်များများကို ဆွေးနွေးဖြစ်ကြတယ်။ အဲဒီဆွေးနွေးချက်ေ တွ ဖြေရှင်းချက်တွေကို အခြေခံထားပြီး ဒီပို့စ်လေးကို ရေးသွားမှာ ဖြစ်တယ်။ သင်ဘို့စီ စဉ်ထားတာက ဗုဒ္ဓဖလော်ဆိုဖီ၊ အဘိဓမ္မာ ဘာသာရပ်။ ဒါပေမယ့် သင်တန်း အခြေပျိုးတဲ့အနေနဲ့ ဆွေးနွေး မေးမြန်းမှုတွေ လုပ်နေကြတယ်။ မနေ့က သူစမေး တာက- စိတ်ဘယ်မှာ ရှိလဲ ဆိုတာပါပဲ။ သူက အဲဒါကို တိုက်ရိုက် မမေးဘူး။ ဥပမာလေးနဲ့ မေး တယ်။ ငါးနှစ်သား ကလေးတစ်ယောက်က စိတ်ဘယ်မှာ ရှိလဲလို့ မေးလာရင် ဘယ်လို အဖြေပေးရမလဲ တဲ့။ လိုရင်းက စိတ်ဘယ်မှာလဲ ဆိုတာပါဘဲ။ အဲဒီတော့ white book မှာ နာမ် နှင့်ရုပ် mind and matter ကို ရေးပြလိုက်တယ်။ ဒီ mind တွေက သိပ်မြန်တယ်။ တစ်စက္ကန့်အတွင်းမှာ မီလျံနှင့် ချီပြီဖြစ်ပျက်ကြတယ်။ ပုံစံ ဒြပ်မရှိဘူး။ ဒါကြောင့် မမြင်နိုင်ဘူး။ သူတို့က ရုပ်တွေပေါ်မှာ မှီတည်နေကြတယ်။ ဘယ်မှာ ဘယ်လို မှီတည်နေတယ်ဆိုတာကို ဒီစာအုပ်မှာ အသေးစိတ်ရှင်းပြထားတယ်။ တို့လေ့လာေ တာ့ တွေ့ ရလိမ့်မယ်။

တစ်ကမ္ဘာလုံးကို ချုပ်ကြည့်ရင် ရုပ်နဲ့နာမ် ၂ မျိုးကိုပဲတွေ့ရမယ်။ သက်ရှိနဲ့ သက်မဲ့ဆိုပါတော့။ တို့သက်ရှိတွေမှာ ရုပ်နဲ့နာမ် ၂ မျိုးလုံးရှိပြီး သစ်ပင်၊ တောတောင်၊ ရေ မြေ စတဲ့ သက်မဲ့ဝတ္ထု တွေမှာ ရုပ်သက် သက်သာဖြစ်တယ်။

တိရစ္ဆာန်တွေကော ။ (သူက မေးလာတယ်။)

အေးလေ တိရစ္ဆာန်တွေဆိုတာလည်း တို့လူသားတွေနဲ့ အတူတူုပဲပေါ့။ ရုပ် နာမ် ၂မျိုးပေါင်း စပ်ထားတဲ့ သက်ရှိတွေပဲ။ လူနဲ့ တိရစ္ဆာန် ဘာထူးလဲ။ သဘောတရား အခြေခံအားဖြင့် အတူ တူပဲ။ ပုံစံသာကွာသွားတာ။ သူတို့က အလျားလိုက် နေထိုင်သွားလာကြတယ်။ တို့က ဒေါင်လိုက် မတ်တပ်။ သူတို့လည်း စားကြ၊ အိပ်ကြ၊ ချစ်ကြ ကြိုက်ကြ၊ ရန်ဖြစ်ကြ။ တို့ လူသား တွေလည်း စားကြ၊ အိပ်ကြ၊ ချစ်ကြ၊ တိုက်ကြ ခိုက်ကြ၊ ဖိုက်ကြတာပဲ။ ဘာများ ထူးလို့လဲ။ ဆိုလိုတာက သူတို့လည်း ရုပ်နာမ်၊ တို့လည်း ရုပ်နာမ်၊ ရုပ်နာမ်ချင်း အတူတူပဲ ဆိုတာပါပဲ။ ဒါပေမယ့် ထူးတာကတော့ အရည်အသွေးပဲ။ တို့လူသားတွေက တီထွင်ကြံဆ လုပ်ကိုင်လာ လိုက်တာ တစ်ခြားကမ္ဘာ့ဂြိုဟ်ကိုတောင် ရောက်အောင် သွားနိုင်နေကြပြီ။ ဒါပေမယ့် တိရစ္ဆာန်ကမ္ဘာမှာ အခုချိန်အထိ အ၀တ်မ၀တ်တတ်သေးဘူး။ နေစရာ၊ စားစရာ မရှိကြသေး ဘူး။ တီထွင်ကြံဆမှုလည်း မရှိကြသေးတော့ သူတို့ဟာ အခုချိန်အထိ တောထဲက ထွက်မလာ နိုင်ကြသေးဘူး။ ဒါဟာ စိတ်ရဲ့ အရည်အသွေးတွေပဲ။ တို့လူသားတွေတောင် တစ်ယောက်နဲ့ တစ်ယောက် အရည်အချင်းချင်း မတူကြတာ အထင်အရှားပဲ။ ဥပမာ မင်းက ပီအိပ်ခ်ျဒီ ကျောင်းသား၊ ငါက အမ်အေ ကျောင်းသားဆိုတော့ အရည်အသွေးချင်း၊ အတွေ့အကြုံ ချင်းကွာတာပေါ့။ ဒီစိတ်တွေက မြစ်ရေထဲက ရေတွေလို အဆက်မပြတ် စီးဆင်းနေကြတယ်။ ဒါကို ဗုဒ္ဓက လွန်ခဲ့တဲ့ နှစ် ၂၅၀၀ လောက်ကတည်းက အခိုင်အမာပြောထားတယ်။ အနောက်တိုင်း ဒဿနိက ပညာရှင် အတော်များများကလည်း ဒါကိုပဲ အတည်ပြုပြောကြ တယ်။ ပြီးတော့ သိပ္ပံကလည်း ဒါကို လက်ခံတယ်။ စိတ်တွေက တစ်ခုပြီး တစ်ခု အဆက်မပြတ် သွားနေတယ်။ ဒါပေမယ့် ပုံစံမတူဘူး။ လုပ်ငန်းဆောင်ရွက်တာချင်း မတူဘူး။ တို့သက်ရှိတွေဖြစ်နေတဲ့ စိတ်အစဉ်ကို ဒီစာအုပ်မှာ အသေးစိတ်ပြထားတယ်။ အခု သဘောလောက် အရင်ပြောကြည့်မယ်။

ပ -စ -သမ် -သန်- ၀ု -ဇ-တ

ဒါဟာ တို့ဖြစ်နေတဲ့ စိတ်အစဉ်ပဲ။ မြတ်စွာဘုရားမှာလည်း ဒီစိတ်အစဉ်ပဲ။ တို့လည်း ဒီစိတ် အစဉ်ပဲ။ တိရစ္ဆာန်၊ လူသားတွေမှာ ဒီစိတ်ဖြစ်စဉ်တွေက အတူတူပဲ။ စိတ်အရည် အသွေးသာ ကွာခြားသွားတာ။ အေး ထူးခြားချက်ရှိတာကိုတော့ မြင်အောင် ကြည့်တတ်ရမယ်ပေါ့။

မင်းက ပြောတယ် လူတွေနဲ့ တိရစ္ဆာန်တွေဟာ ချစ်ခြင်း နဲ့ မုန်းခြင်းကြားမှာ ရှိနေတာခြင်း တူတယ်လို့ ပြောတယ်။ တစ်ခြား အနေအထားကော မရှိနိုင်ဘူးလား။

ဒါက တို့မှာ အဖြစ်များ တဲ့ ယေဘုယျ သဘောတရားကို ငါပြောတာပါ ။ တစ်ခြား စိတ်အခြေ အနေတွေ လည်း တို့မှာ ရှိပါတယ်။ ဥပမာ အခု တို့ သင်တန်းမှာ ပြောဆို ဆွေးနွေး နေကြတာ မျိုးပေါ့။ ချစ်ခြင်း(တပ်မက်ခြင်း) မရှိသလို မုန်းခြင်းလည်း မရှိဘူးလေ။ ဒါကို ဒီကျမ်း စာမှာ ကောင်းတဲ့ ကုသိုလ်စိတ်လို့ ခေါ်တယ်။ တို့စိတ်တွေကို ကောင်းမကောင်း နှစ်မျိုးခွဲလို့ ရတယ်။ မကောင်းတာတွေကတော့ တက်မက်ခြင်း(လောဘ)၊ မုန်းတီးခြင်း( ဒေါသ) နှင့် မသိနား မလည်ခြင်း(မောဟ) တို့ဖြစ်ကြတယ်။

စိတ်တွေကို ကောင်း မကောင်းခွဲတာဟာ ဟာသတစ်ခု ဖြစ်မနေဘူးလား။ ဥပမာ ကလေးတစ် ယောက် သူ့အမေနှင့် လမ်းလျှောက်ထွက်လာတယ်။ လူနှစ်ယောက်က လမ်းပေါ်မှာ စကားများပြီး ဖိုက်တင် ချနေကြတယ်။ ဒါကို အမေလုပ်သူက သူ့သားကို ပြောတယ်။ ငါ့သား ထိုးတာနှက်တာဟာ မကောင်းဘူးနော်။ အဲဒါမျိုး မလုပ်ရဘူး သိလား လို့ ပြောတယ်။ နောက်တစ်နေ့မှာ ကလေးက တရုပ်သိုင်းကားကို ကြည့်တယ်။ တရုပ် ရှောင်လင် ဘုန်းကြီးတွေက ဖိုက်တင်ချနေတာကို မြင်ပြီး ကလေးရဲ့အတွေးမှာ ဖိုက်တင်ချ တာ ကောင်းပါလားဆိုပြီး တွေးမိသွားပြန်တယ်။ ဒါကြောင့် ကောင်းမကောင်း ဆိုတာ ဘယ်လိုခွဲလို့ ရမလဲ။ ခွဲခြားရင် ရီစရာဖြစ်မနေဘူးလား။

ကောင်းမကောင်းဆိုတာ လူနဲ့မဆိုင်ဘူး။ action လုပ်ဆောင်မှုနဲ့ဆိုင်တယ်။ နောက်ပြီး attention စိတ်နေစိတ် ထားနဲ့လည်း ဆိုင်တယ်။ မင်းကို ငါလက်နဲ့ ရိုက်မယ်၊ ဒါ ကောင်းသလား မကောင်းဘူးလား။ ဒါပေမယ့် မင်းကို ငါခင်လို့ ရိုက်ပုတ်တယ်ဆိုရင်တော့ တစ်မျိုးပေါ့။ ထားပါတော့ သတ်တဲ့ လှုပ်ရှားမှု၊ ခိုးတဲ့ လှုပ်ရှားမှု၊ လိမ်ညာတဲ့ လှုပ်ရှားမှုေ တွက ကောင်းသလား မကောင်းဘူးလား။

မကောင်းပါဘူး။

ဒါပေါ့။ ဒါဟာ သဘာဝတရားတစ်ခုပဲ။ ဘာသာရေး မဟုတ်ဘူး။ အချို့က သတ်တာကို ကောင်းတယ်ထင်ပြီး သတ်နေကြတာ တို့ကမ္ဘာကြီး ငြိမ်းချမ်းမှုတွေ ပျောက်နေတာ မင်း အသိပဲလေ။ ဒါကြောင့်မို့ လှုပ်ရှားမှု တိုင်းမှာ ကောင်း မကောင်း နှစ်မျိုးဆီ ရှိတာကို လက်သင့်ခံရမယ်။

မစ်စတာ ဂျိန်းစ်၊ ကောင်းကောင်း နားမလည်ရှာပါ။ ထို့ကြောင့် စာရေးသူရဲ့ အဖြေကို ဘ၀င်မကျနိုင်ရှာ။

ဒီမှာ ရဟန်းတစ်ရာ နေမယ်။ အစောင့်တစ်ယောက် ရှိတယ်။ လူသတ်သမားတစ်ယောက် လာပြီး ရဟန်းတွေကို သတ်မယ်။ ဒါပေမယ့် အစောင့်က အဲဒီ လူသတ်သမားကို သတ်ပစ် လိုက်တယ်။ ရဟန်းတစ်ရာ အန္တရာယ် ကင်းသွားတယ်။ အဲဒီ အစောင့်ရဲ့ သတ်ဖြတ်မှု ကို ကောင်းတယ်လို့ ပြောမလား၊ မကောင်းဘူးလို့ ပြောမလား။

ဒါက သတ်ဖြတ်ခြင်းဟာ မကောင်းတဲ့အလုပ်ပဲ ဆိုတဲ့ စကားကို ငြင်းဆန်တဲ့ သဘောနဲ့ ပြောလာတဲ့ စကားမှန်း သိသာတယ်။

မင်းက ကောင်းတယ်လို့ ပြောချင်တာလား။

ငါကတော့ သူ့ကို ဂုဏ်ပြုမှာပဲလေ။ သူကာကွယ်လိုက်လို့ ဒီရဟန်းတွေ မသေတာ။

ထားပါတော့။ ဒီအခြေအနေကို တို့ ဖြေးဖြေးချင်း ချဉ်းကပ် အဖြေရှာရအောင်။ သူ(အစောင့်) က ဒီလူသတ် သမားကို သတ်ချင်လို့ သတ်တာလား။ မသတ်ချင်ပဲနဲ့ (အခြေအနေ အရ) သတ်ရတာလား။ ဒါကို တို့ စဉ်းစားရ မယ်။ ငါထင်ပါတယ်။ ပထမ အဆင့်အနေနဲ့ ဒီလူကို သူ တားမယ်။ ဆီးမယ်၊ ဖမ်းမယ်။ ချုပ်မယ်ပေါ့။ မသတ်မိအောင် နည်းလမ်းတွေ အများ ကြီး ရွေးခဲ့လိမ့်ယ်။ (ရွေးရလိမ့်မယ်)။ သတ်တာဟာ နောက်ဆုံး (မဖြစ် သာတဲ့) အဆင့်ဆိုတာ တွေးလို့ ရပါတယ်။ ဒါဟာ ဘာလဲဆိုတော့ သတ်တဲ့ အမှုဆိုတာ တကယ့်ကို မကောင်းဘူး ဆိုတာ သိနေလို့ပဲ။ ဒါမှ မဟုတ် ဘေးက လူကလည်း ဒီလူကို လာသတ်မှာပေါ့။ ခုတော့ တာဝန် ရှိသူကသာ ပြုလုပ်သွားတယ်ဆိုတော့ လူမှုအသိုင်းအ၀ိုင်းမှာ သတ်တာကို အားမပေးဘူးဆို တာ ပေါ်လွင်ပါတယ်။

ဒီလူကို သတ်လိုက်တာ မကောင်းဘူးပေါ့။

သတ်တာ ကောင်းတယ်လို့ မင်း ဘယ်လို သက်သေပြနိုင်မှာလဲ။ ကောင်း မကောင်းဆိုတာ ပုဂ္ဂိုလ်နဲ့ မဆိုင်ဘူး။ သူ့ရဲ့အပြုအမူနဲ့ ဆိုင်တယ်။ ဒါကြောင့် သတ်တဲ့အမှုဟာ ဘယ်လိုပဲ တွက် တွက် မကောင်းတာကတော့ မကောင်းတာပါပဲ။ ကောင်းတယ်ဆိုရင် လူတိုင်း သတ်ဖြတ်နေ မှာပေါ့။ နောက်ပြီး ဒီလူဘက်က ကြည့်ရင်လည်း သူတာဝန်ကို သူဆောင်ရွက်သွားတာမို့ (မင်းတွေးသလို) အပြစ်ပြောစရာတော့ မဟုတ်ဘူး။ နောက်ပြီး တစ်ဖက်လူက ကာကွယ်ရင်း သေသွားတာလား။ အမှတ်တမဲ့ လက်လွန်သေသွားတာလား ဆိုတာတွေကလည်း ရှိသေး တယ်လေ။

မစ်စတာ ဂျိန်းစ်ကို ဒီထက်ပိုပြောလို့ မရတော့ဘူးဆိုတာ သိတယ်။ ဒီထက် လေးနက်တဲ့ ဗုဒ္ဓဘာသာရဲ့ သဘော တရားတွေကို ပြောနေလည်း နားလည်နိုင်တဲ့ အနေအထား သူ့မှာ ရှိမှာ မဟုတ်ဘူးဆိုတာ သိလိုက်တယ်။

ဆန်းဒေးစကူး (၂)

'' ဒါပေါ့။ မင်းတောင် ဒီလောက်ခက်နေရာ ၀န်ကြီးချုပ်အတွက်ကတော့ ပြောစရာမရှိတော့ဘူး။ သင်္ဂါယနာတင် မထေရ်တွေဆိုတာ တကယ့်ဒိပ်ဒိပ်ကြဲ ရဟန္တာအရှင်မြတ်တွေပဲ။ သီကျူးကြမယ်လို့ ယောင်လို့တောင် မတွေး သင့်ဘူး။ မင်းနားလည်ပြီလား။''

'' အင်း သဘောပေါက်ပါပြီ။ ''

'' ဒါပေါ့။ ဘုရားက ပလုတ (ဂီတ) သံကို တားမြစ်တော်မူခဲ့တယ်။ အထူးအားဖြင့် သူ့တပည့် ရဟန်းတော် များအတွက်ပေါ့။ အဲဒီတော့ ပြန်ဆက်ကြစို့။ မြန်မာရဟန်းတော်တွေဟာ Chanty ရွတ်တဲ့အခါမှာ အခြားနိုင် ငံများလို ညီညီညွတ်ညွတ် မရှိကြတာဟာ ဒီအချက်ပဲ။ အသံညီတာ ကာင်းပါတယ်။ ဒါကြောင့်မြန်မာ ဘာသာရေး ခေါင်းဆောင်တွေ အသံညီိဘို့ ကြိုးစားခဲ့ ပါသေးတယ်။ ဒါပေမယ့် ဖြစ်မလာခဲ့ဘူး။ နောက်တစ်ခုက ဗုဒ္ဓဘာသာမှာ ရွတ်ဆို ဆုတောင်း မှုတွေက အဓိက မကျဘူး။''

'' အင် ဟုတ်လို့လား''

မစ်စတာ ဆန်ဂျေးတို့ နှစ်ယောက် အံ့အားသင့်သွားကြတယ်။ မယုံနိုင်သော မျက်လုံးများဖြင့် စာရေး သူရဲ့ ရှေ့ဆက်လာမယ့်စကားကို စောင့်မျှော်နေကြတယ်။ စာရေးသူရဲ့ လမ်းခွဲ စကား ကို သူတို့ အံ့အား သင့် သွားကြတယ်။

'' ဟုတ်လို့လား ''

'' မစ်စတာ ဆန်ဂျေးရဲ့ အသံ။ မစ်စတာ ဂျိန်းစ်ကတော့ မတုန်မလှုပ်ကျောက်ရုပ်။ သူတို့ ခရစ်ယာန်မှာက ရွတ်ဆို ဆုတောင်းမှုက အဓိက မဟုတ်လား။ စာရေးသူက မစ်စတာ ဂျိန်းစ် ကို မေးခွန်းထုတ်လိုက်တယ်။''

'' Religion = ဘာသာရေး ဆိုတာဘာလဲ ''

မစ်စတာ ဂျိန်း မျက်နှာ အနည်းငယ် နီသွားတယ်။ သူ့အတွက် ကြိုတွေးမထားတဲ့ မေးခွန်းဖြစ် လိမ့်မယ်။ ပြီးတော့ သူက ခရစ်ယန်တရားဟော ဆရာတစ်ယောက်မဟုတ်လား။ သူကြိုး စားပြီး ဖြေပါတယ်။ အချုပ်က ဒီအတိုင်း ထွက်လာတယ်။

'' ဘာသာရေးဆိုတာ ပေါင်းစည်းညီညွှတ်မှုကို ဖြစ်စေတာကို ပြောတာပဲ ''

စကားသံနားထောင်လိုက်တာနဲ့ သူ ဒီစကားလုံးကို ကောင်းကောင်း မသိဘူးဆိုတာ ထင်ရှား တယ်။ ဒါကြောင့် အနည်းငယ် မျက်နှာပျက်သွားတာပေါ့။

'' မင်းပြောတာ ငါလက်ခံပါတယ်။ ဘာသာရေးကြောင့် ပေါင်းစည်းညီညွတ်မှုတွေ ဖြစ်တာ။ ဒါပေမယ့် သူ့ညီ ညွတ်မှုက အုပ်စုပေါင်းများစွာကို ဖြစ်စေတာ ဆိုတော့ တစ်ဖက်မှာလည်း မညီ ညွတ်မှု ကို ဖြစ်စေတယ် လို့ ကော ပြောလို့ မရဘူးလား။ ဒါကြောင့် အချို့က ဘာသာရေး ဟာ လူမှုအဖွဲ့အစည်း ကို ရှုပ်ထွေးအာင် လုပ် သလို ဖြစ်နေလို့ အမှိုက်တစ်မျိုး ပဲလို့ပြောကြတာပေါ့။''

မစ်စတာ ဂျိန်းစ်အဖြေကို အားမရလို့ ကိုယ်တိုင် အဖြေပေးဘို့ရန်အတွက် white board မှာ belief, worship, pray ကို ရေးလိုက်တယ်။ ''

'' အဘိဓာန်မှာ ပြောထားတယ်။ religion ဆိုတာ ၁။ belief -ယုံကြည်ရမယ် ၂။ worship ၀တ်ပြုရမယ်။ ပြီးတော့ ၃။ pray ဆုတောင်းရမယ်။ ဘာသာတရားဆိုတာ ဒါပဲလို့ ပြတယ်။ ဒီထက် မပိုတော့ဘူး။ '' (အဘိဓာန်တွင် ထိုအားလုံးသည် ဂေါ့ဒ်ကိုသာ ဦးတည်ပြောထား)

'' အခုပြောတာ ငါ့အယူအဆမဟုတ်သလို မင်းအယူအဆလည်း မဟုတ်ဘူး။ English dictionary မှာ လာတဲ့အတိုင်း ငါပြောပြတာ (မစ်စတာ ဂျိန်းစ်က ဘာညာပြောနေ၍ ခပ်တင်းတင်းပြောရ)။ ဘာသာတိုင်းဟာ ဒီအတိုင်းပဲ သွားနေကြတာ။ ဒါပေမယ့် ဗုဒ္ဓဘာသာ ကတော့ ဒီလို မဟုတ်ဘူး။ ဗုဒ္ဓဘာသာမှာ အဓိကက Practice လက် တွေ့ ကျင့်ကြံ အား ထုတ်မှုပဲ။ တကယ့် ငြိမ်းချမ်းမှုကို ရဘို့ဆိုတာ ယုံကြည်နေရုံလေးနဲ့ ဆုတောင်း နေရုံလေးနဲ့ မဖြစ်နိုင်ဘူးဆိုတာ မင်းတို့သိပါတယ်။ ဒါကြောင့် လက်တွေ့ ကျင့်ကြံ အားထုတ်မှုဟာ တို့ဘ၀အတွက် မဖြစ်မနေ လိုအပ်တယ်ဆိုတာ ထင်ရှားပါတယ်။''

'' ဗုဒ္ဓဘာသာမှာလည်း ယုံကြည်မှု ရှိတယ်မဟုတ်လား။ ယုံကြည်မှု၊ ဒဿန ပြီးတော့ ကမ္မ။''

မစ်စတာ ဂျိန်းစ်က အိန္ဒိယဖလော်နဲ့ စာတမ်းလုပ်နေတာဆိုတော့ ဖလော်ထဲကဟာတွေကို ဆွဲထုတ်ပြလာတယ်။ ဒီထဲမှာ ကမ္မဆိုတာပါလာတယ်။ ကံကို နောက်ဆုံးထားလာတာဆိုတော့ ပြောစရာဖြစ်သွားတယ်။

'' ကံအကြောင်းကို ပြီးခဲ့တဲ့ ဆန်းဒေးမှာ ငါပြောခဲ့တာပဲ။ ကံဆိုတာ ကိုယ် နှုတ် စိတ် သုံးမျိုး။ ဒီမှာကြည့် ဆုတောင်းနေတာ ကိုယ်နှုတ်စိတ် action တွေပဲ မဟုတ်လား။ ဒီတော့ ကံက အချိန်တိုင်းမှာ လှုပ်ရှားမှုတိုင်းမှာ ရှိနေတာ ထင်ရှားပါတယ်။ နောက်ဆုံးမှ လာတယ်ဆိုတာ မဖြစ်နိုင်ဘူးလေ။ ''

'' ဗုဒ္ဓဘာသာမှာလည်း ယုံကြည်မှုရှိရတယ် မဟုတ်လား''

မစ်စတာ ဂျိန်းစ်ရဲ့အမေး။ သူများများ မမေးနိုင်မှန်းသိတယ်။ စာရေးသူက belief နားမှာ knowledge (wisdom) ကို ရေးလိုက်တယ်။ သူ့ note book မှာ ချက်ချင်းရေး မှတ်လိုက်တာ ကို တွေ့လိုက်တယ်။

'' ဗုဒ္ဓဘာသာမှာ ယုံကြည်မှုရှိတယ်။ ဒါပေမယ့် ယုံကြည်မှု တစ်ခုတည်းကို ပြောမထားဘူး။ ယုံကြည်မှုကို အသိညဏ်နဲ့ စိစစ်ဘို့ ပညာဆိုတာကိုလည်း ပြောထားတယ်။ ဘာလို့လဲ ဆိုတော့ ယုံကြည်မှုက သူ့ချည်းသက်သက်ဆို အန္တရာယ်များလို့ပဲ။ ဗုဒ္ဓကပြောတယ်။ တို့မှာ လက်၂ ဘက်ရှိတယ်။ တစ်ဖက်ညစ်နေရင် တစ်ဖက်နဲ့ ပွတ်တိုက်ဆေးကြောရတယ်။ သန့်ရှင်းဘို့အတွက် လက် ၂ဘက်ရှိဘို့ လိုအပ်တယ်။ ဒီလိုပဲ တို့အယူအဆတွေ သန့်ရှင်းဘို့ မှန်ကန်ဘို့ ယုံကြည်မှု=belief နဲ့ ပညာ=knowledge (wisdom) ၊ ပညာ=knowledge (wisdom) နဲ့ ယုံကြည်မှု belief ၂ ခုလိုအပ်တယ်လို့ မိန့်ခဲ့တာပဲ။''

မစ်စတာ ဂျိန်းစ် ဒူးနှစ်ဘက်တုပ်ပြီး ထိုင်လိုက်တာကို တွေ့ရတယ်။ သူ့သဘောတွေ့ပြီး လက်ခံ တဲ့အခါမျိူးမှာ လုပ်တတ်တဲ့ အမူအရာ တစ်ခုဖြစ်တာကို သတိပြုမိတယ်။ စာရေးသူရဲ့ ဆိုလို ချက်ကို အဆုံးသတ်ရပါတော့မယ်။

'' ဒီမှာ ပြောချင်တာက ဗုဒ္ဓဘာသာဟာ အများယူဆထားတဲ့ religion တစ်ခု မဟုတ်ဘူး ဆို တာပဲ။ ''