ညပိုင်းတွင် သီတဂူဆရာတော်အား တပည့်များ ၀ိုင်းဝန်း၍ ၀တ်ဖြည့်(နှိပ်နယ်)
ပေးကြသည်။ ၀တ်ပြုပြီးချိန်တွင် စာရေးသူသည် M.Phil လုပ်ရန်အတွက် နက်ဖြန် နံနက် အိန္ဒိယသို့
ပြန်မည်ဖြစ်ကြောင်း ဆရာတော်အား အသိပေး လျှောက်ထားရသည်။
၁၃-၁၀-၁၁။ ယနေ့ သီတင်းကျွတ် လပြည့်ကျော် ၃ ရက်နေ့။ နံက် အာရုံစားပြီး
သီတဂူဆရာတော်အားနှုတ်ဆက် ကန်တော့ပန်းဆင်သည်။ လေဆိပ်သို့ နံက် ၈ နာရီအရောက် သွားရမည်ဖြစ်ကြောင်း
လျှောက်ထားသည်။ ထို့နောက် အခန်းသို့ ပြန်၍ ပြင်ဆင်စရာများကို ပြင်ဆင်သည်။ စာရေးသူကိုင်နေသည့်
လက်ပတော့ အဟောင်းကို ဦးဗာကုလအားပေးသည်။ ဒေါ်လာ ၃၀၀နှင့် ငွေတစ်သိန်းကျပ်ကိုလည်း ပေးလိုက်သည်။
သူ့အား သီရိလင်္ကာသို့ သွားရန်ကိုလည်း တိုက်တွန်းသည်။ ရွာလမ်းအတွက် ငွေတစ်သိန်းကျပ်
လှူလိုက်သေးသည်။ မကြာမီ ဦးသုန္ဒရ အခန်းထဲသို့ ၀င်လာပြီး ဆရာတော်က ပေးခိုင်းလိုက်သည်ဟု
ဆိုကာ ဒေါ်လာ ၅ ရာ ပေးသည်။ သီတဂူ ပြက္ခဒိန် ၃ခုကိုလည်း လက်ဆောင် ပါးလိုက်သည်။ လေဆိပ်သို့
တက္ကသိုလ်က ကားဖြင့် သွားရန် စီစဉ်ထားသည်ကိုလည်း ပြောသည်။ နံနက် ၇ နာရီခွဲလျှင် စာရေးသူတို့သည်
ဦးအေးကို မောင်းသော သီတဂူကားဖြင့် လေဆိပ်သို့ ထွက်ခဲ့ကြသည်။ မောင်ဇော်သောင်းကားက နောက်ကလိုက်ပါလာခဲ့သည်။
လေဆိပ်သို့ ရောက်လျှင် သုံးယောက်သား လေဆိပ်ထဲသို့ ၀င်ကြသည်။ ဦးဗာကုလ က ဘုန်းကြီး
ရဟန်းဖြစ်သဖြင့် ၀င်နိုင်သည်။ မောင်ဇော်သောင်းကား လက်မှတ်တောင်းပြီး ၀င်လိုက်လာသည်။
မောင်ဇော်သောင်းကား မလေးရှား၊ စင်ကာပူတွင် သွားလာ အလုပ်လုပ်ကိုင်ဘူးသူဖြစ်၍ လေဆိပ်အတွေ့ကြုံရှိသည်။
လေဆိပ်တွင် စာရေးသူ အတွက် ပြုလုပ်စရာရှိသည်များကို
ပြုလုပ် ဆောင်ရွက်ပေးသည်။ စာရေးသူ အချိန်တန်၍
အပေါ်ထပ်သို့ တက်သွားမှ နှစ်ဦးသား ပြန်သွားကြသည်။ ဦးဗာကုလသည် ယနေ့ ည ၇-နာရီကားဖြင့်
မန္တလေးသို့ ပြန်မည်ဖြစ်သည်။
နံနက် ၁၀း၅၅ နာရီရှိလျှင် စာရေးသူ စီးနင်းလိုက်ပါသည့် လေယာဉ်သည် ရန်ကုန်အပြည်ပြည်
ဆိုင်ရာ လေဆိပ်မှ စတင်ထွက်ခွာရာ ထိုင်းနိုင်ငံ သုဝဏ္ဏဘူမိ အပြည်ပြည်ဆိုင်ရာ လေဆိပ်သို့ နေ့ ၁၂း ၅၀ နာရီတွင်ရောက်သည်။ ထိုင်းလေဆိပ်ထဲတွင် စာရေးသူသည် ည ၉ နာရီအထိ နေရဦးမည်ဖြစ်သည်။
လေဆိပ်သို့ရောက်လျှင် ဘန်ကောက်၊ ဘုံဘေ လက်မှတ်ဖြတ်ရန်အတွက် လက်မှတ်ရောင်း ကောင်တာကို
ရှာရသည်။ လက် မှတ်ဖြတ် ကောင်တာဘက်သို့ သွားစဉ် ဒေလီမှ ပီအိပ်ခ်ျဒီ ဘိုင်ဘာပြီး၍ ပြန်ကြွလာ သော ဒေါက်တာ ဦးကုမာရနှင့် တွေ့သည်။ နှစ်ဦးသား
စကား စမြည်ပြော၍ လေဆိပ်ထဲ ဟိုဟိုဒီဒီ လျှောက်သွားကြသည်။ လေဆိပ်ထဲ အပေါ်ထပ် အောက်ထပ်
ဓါတ်လှေခါး စီးပုံ၊ လေယာဉ် ကြေငြာဘုတ်တွင် မိမိလေယာဉ်အချိန်ဇယားကြည့်ပုံ။ လေယာဉ်ဂိတ်များကို
အေ ဘီ စီ ပြ၍ နေရာခွဲထားပုံများကို စာရေးသူအား ပြောပြ ပေးသည်။ ဦးကုမာရသည် ယခုအခါ စစ်ကိုင်း
သီတဂူတက္ကသိုလ်တွင် ပါမောက္ခချုပ် လက်ထောက်အဖြစ် ဆောင်ရွက်လျက်ရှိသည်။ ညနေ ၃ နာရီ လေယာဉ်ဖြင့်
ဦးကုမာရ မြန်မာနိုင်ငံသို့ ထွက်ခွာသွားသည်။
စာရေးသူသည် ဘန်ကောက်အဲယားလိုင်း ကောင်တာတွင် ဘုံဘေ လက်မှတ်ကို
ဖြတ်ပြီး လေဆိပ်ထဲတွင် ဟိုဟိုဒီဒီသွားလျက် အချိန်ကုန်စေသည်။ ည ၉း ၅၅ တွင် ဘန်ကောက်-ဘုံဘေ လေယာဉ် ထွက်ခွာသည်။
၁၄-၁၀-၁၁။ အိန္ဒိယနိုင်ငံ ဘုံဘေ အပြည်ပြည်ဆိုင်ရာ လေဆိပ်သို့
ည ၁၂း ၅၀ တွင် လေယာဉ်ဆိုက်ရောက်သည်။ လေဆိပ်သို့ ဦးသြသဓနှင့် ဦးကောဝိဒ
သိရီ တို့ လာရောက် စောင့် ကြိုနေကြသည်။ သူတို့သည် ဘုံဘေ စောမယ ကောလိပ် တွင် ပီအိပ်ခ်ျဒီ
စာတမ်းပြုစုနေကြသော သီတဂူတက္ကသိုလ်ကျောင်းသား ရဟန်း တော်များဖြစ်ကြသည်။ ဘုံဘေ လေဆိပ်မှ
စောမယကောလိပ်သို့ ကားငှားလာကြသည်။ ထိုညက စောမယကောလိပ်တွင် ညအိပ်တည်းခိုသည်။ စောမယကောလိပ်သည် ကာလိနတက္ကသိုလ်၏ လက်ခွဲကောလိပ်အဖြစ် ဘုံဘေမြို့တွင် တည်ရှိသည်။ ထိုကောလိပ်ရှိ
ဗုဒ္ဓဘာသာဌာနနှင့် ဆန်စစ်ကရစ်ဌာနတို့တွင် မြန်မာရဟန်းတော် ၄၀-ကျော် ပီအိပ်ခ်ျဒီ လုပ်နေကြသည်။
ထိုကောလိပ်ရှိ ကျောင်းသားများအဆောင်တွင် မြန်မာရဟန်းတော်များအတွက် အဆောင်ကြေး ပေးစရာမလိုပဲ နေထိုင်ခွင့်ပြုသည်။
သို့ သော် အသားငါးကိုတော့ ချက်ပြုတ် စားသောက်ခွင့် မရှိပေ။
စာရေးသူသည် စောမယကျောင်းသား ရဟန်းတော်များအား ကော်ဖီ ၃ ထုပ်၊
ဝက်အူ ချောင်း ၂ ထုပ်၊ ဆွမ်းစရိတ်တနပ်စာ ရူပီးငွေ ၅၀၀ လှူဒါန်းသည်။ ညနေ ၃ နာရီတွင်
ပူနေးသို့ ထွက်လာခဲ့ရာ ပူနေးတက္ကသိုလ်international ကျောင်းသားများ အဆောင် သို့ ည ၇
နာရီတွင် ဆိုက်ရောက်သည်။ ။
အားလုံးသတ္တ၀ါ ဘေးရန်ကွာ ချမ်းသာကြပါစေ
(၈-၁၂-၁၁ နေ့တွင် တည်းဖြတ်ပြီးစီးသည်)
0 comments:
Post a Comment